وش طبختوا اليوم
بسم الله الرحمن الرحيم
السلام عليكم ورحمة الله وبركاته ' واسعد الله اوقاتكم' ... كل يوم نطبخ ونحتار بالطبخ ويستقطع التفكير منا وش نطبخ' وش نطبخ الغدا أو العشا 'كل يووم؟! (وش أطبخ اليوم؟؟)أو (وش طبختوا اليوم) موضوع متجدد ' لأجل نبي الأفكار بتنويع الاكلات😊 ف قلت أنزل هالموضوع وتقولون لنا وش طبختوا اليوم إذا ماعليكم أمر' وندخل هنا ونقول وش طبخنا أو وش ناويين نطبخ 'حتا الشباب بعضهم يطبخون 😊 نبي نتعرف ع وش طبختوا اليوم' أو وش ناويين تطبخوون' ننتظركم وش طبختوا اليوم........ (((ارجوا التفاعل مع الموضوع))) 🌸🌸 ... |
رد: وش طبختوا اليوم
طبخت سلييق بالدجاج مع سلطة خيار وسلطة حاااره
... |
رد: وش طبختوا اليوم
موضوع جميل جدا ويستاهل النجوم
ولو ندعم الكلام بالصور يطلع الذ واجمل بس صراحة اليوم ماطبختش كلوووش من براااا يسلمووو خيتي السفيرره يعطيك العافية |
رد: وش طبختوا اليوم
ي هلا ومسهلا بالحره'نووورتي '
عاد انتي ي الحره شيفتنا المميزه وطبخك جنان واضح من موضوعاتك اللي بالمطبخ <بصريح العباره راح نستفيد منك🙈 ... |
رد: وش طبختوا اليوم
موضوع مالي صله فيه ابدا غير اني اتابعه كذا ع عماها هههههه
لان مو من هواياتي الطبخ بس راح اسعد كثير بالمتابعه واحاول اتعلم عل وعسى في القادم تصير معجزه واتهور اطبخ ههههه يسلموو السفيره لروعة هذي الفكره ............................... |
رد: وش طبختوا اليوم
خخ أجل انت ي تميم ينفع لك طرح وش اكلتوا اليوم 😊.
'' نورت ي تميم وي مراحب باكلاتك' ... ... |
رد: وش طبختوا اليوم
ههههههههه
ايوه عاد هذا اشوفه افضل برضو بس حتى المتابعه هنا مو بطاله وخصوصا مثل ماقالت الحره يكون في صور تجمل المشاركات و ناكل منها يكون احسن هههههه |
رد: وش طبختوا اليوم
طيب أيضا تعال حط لنا وش أكلت اليوم ' سوا انت طبخت أو شريت
أهم شي نعرف وش اكلتوا خخخ .. |
رد: وش طبختوا اليوم
http://www.al-taleed.com/vb/t23558/
السفيره مو بعيد اقتراحك من ذا الموضوع خربت عليك موضوعك وصلحت دعايه لموضوع ثاني مع الرابط هههههه |
رد: وش طبختوا اليوم
طبخنا مجبوس دياي 💔😂🔫
- يسلمك يالسفيرة طرح جميل 💐 |
رد: وش طبختوا اليوم
اقتباس:
اتخيل لو يجي يوم ونصير شاميين برضو بنستمر ع الرز والدياي والا راح نحاول نسوي زيهم هههههههههه اتوقع بتقوم حرب الحين علشان رايي هذا ههههههه وراح يصير موضوع السفيره زي كتاب منال العالم |
رد: وش طبختوا اليوم
تميم وعزووف مامنكم فايده خخخ
عبالي بتتفننون بالاكلات >>أجل ماعندكم ماعندي جدتي 😁 .. مراحب ي عزووف نور الطرح بمقدمك <<<جالسه افكر أن اكلتك جديده جلست اقرأ الدياي فتره بعدين قلت أكله غريبه ذي لازم أخذ طريقتها من عزووف خخخ فتره عبال مستوعبت إنها دجاج 🍗 ^_^.. .. تميم الطرح اللي اقتبسته يقول آخر شيء اكلته .. ف ممكن تكون أكلت كبسه ومرقوق و عريكه ولكن آخر شي شربت شاي اخضر فاكتب بآخر شي شاي اخضر وتترك الاول😼 .. ... |
رد: وش طبختوا اليوم
موضوع جمييل اختي السفيره حييل عجبتني الفكره
ومن بكره ان شاءالله نعطيك اخر اخبار مطبخنا سلمتي اختي يثبت |
رد: وش طبختوا اليوم
ههههههههه بصراحة يا تميم ذقت أكل الشاميين و ما أعيب النعمة بس والله ماقدرت آكله
مافيه شي بس لإن لـ كل مجتمع أطباق و طبخات معينة متعود عليها و أكلهم مختلف تماماً عن أكلنا و طرقهم غريبة بالنسبة لي .. يعني أول مرة أسمع عنها و أعرفها أنا أحب أطبخ الإيدامات مغش اللحم الشوي الفطاير و اللقيمات و هذي الأشياء تعجبني مع إني من زمان ما طبخت عندي طباخين مستغنين عن وجودي 😹🌚 و إي شي يدخل مزاجي أطبخه مو شرط شي معتاد عليه ولا من برا المهم شي أحب طعمه و خلاص و ترى محسوبتكم تتعلم طبخات خاصةً لما أجوع أخترع طبخات أتحدى منال العالم و الشيف أسامة 💔😂🔫 |
رد: وش طبختوا اليوم
ههههههه الله هي نفسها ي السفيرة الدجاج الدياي
اللهم أنها هنا كويتية ✌🏻😂 |
الساعة الآن 06:19 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون