|
قصيدة فخر في البدو
قصيدة فخر في البدو أنا بدوي واحـب طـاري البـداوه && يامعذربين البدو مافيكـم إحسـاس قالو بدو قلـت الصفـى والنقـاواه && يازين شوفتهم على الضوء جـلاس قالو بدو قلـت الكـرم والنخـاوه && وأفعالهم فى ذمتى ترفـع الـراس قالـو بـدو والبـر فيـه الشقـاوه && قلت الوناسه عندهم فوق الاطعاس قالو بدو ونشـوف فيهـم قسـاوه && قلت الخشونه يامعذرب لهم سـاس ابن البداوه صلف ما بـه رخـاوه && اليا زهمته جاك ماهـوب يحتـاس بينه وبين الاش حـرب وعـداوه && وحلفه مع أهل الطيب والاش ينداس شف لك من البدوان واحد وخـاوه && حتى تفرق بيـن مطلـق وعبـاس وان كان ما صدقـت عالـج وداوه && قلبك مريض وفيه حقـد ٍ وسـواس فى مجلس البـدوان تلقـا حفـاوه && وترحيبهم لضيوفهم مالـه اقيـاس ويقدمون الطيب من عـود جـاوه && في سلمهم طيب ومعـزه ونومـاس هذي فقط نبذه عن أهـل البـداوه && حبيت اوصلها لاجل تاصل النـاس |
رد: قصيدة فخر في البدو
هذي فقط نبذه عن أهـل البـداوه && حبيت اوصلها لاجل تاصل النـاس
البدو اصل العرب والشيم والرجوله والعلوم اللي ترفع من قدر الانسان وكرامته بين الاخرين ومنهم تؤخذ كل تلك الصفات بوركت ابومسلم والله يعطيك الف عافيه |
رد: قصيدة فخر في البدو
صح لسان الشاعر وصح لسانك أبو مسلم لا عدمناك ولا عدمنا جديدك المميز دائماً |
رد: قصيدة فخر في البدو
شكرا أخي تميم على المرور والمشاركة |
رد: قصيدة فخر في البدو
مرحبا أخي تليدي تشرفت بمرورك أسعدك ربي بطاعته |
| الساعة الآن 02:03 AM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون