أجمل ما يقال
أصدق ما يقال
أعذب ما يقال
هو مايقال في حب الوطن
يقول الأمير خالد الفيصل:
لاح يوم الوطن والعز لاح
وكلمة الله على البيرق تلوح
يوم الاسلام يا يوم الفلاح
والوطن كل روح له تروح
فوق الايمان ركبنا السلاح
والمقابيل بالخافق تبوح
الله اكبر مثل ضرب الرماح
سيلت في خفى الباغي جروح
الأرض
بدر بن عبد المحسن
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي
++++*
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض
++++*
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر
++++*
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود
يوم الوطن
خالد بن عبيد الأحمدي
نضمت في يوم الوطن تسعة ابيات
ولو جبت مية اعتبرها قليله
في وصفها حبه تشح العبارات
حبر القلم يفنى ويفنى عديله
هو حضننا الدافي لنا فيه فيات
فيه الذرا وقت الليال المهيله
والفضل بعد الله ولاهي دعايات
للحاكم الصالح نشيل الجميله
عبد العزيز اللي يحوش البطولات
نوفيه حقه حاجتن مستحيله
عاش البلد بعده تطور ونهظات
والامن هذا ما ليقينا مثيله
طوى سجلات الجهل والعدوات
الشعب واحد صار كنه قبيله
اسس وطن من عقب ماهو تشتات
وثبت حدوده با لسيوف الصقيله
هذا هو الموجز و في تسعة ابيات
والتسع والميه صراحه قليله
حب الوطن فطرة قصيدة / ضد الفئه الضاله
عايض المعاوي
من له وطن ما شكى من القهر والذله
يبقى سعيد(ن)وراسه في السماء عالي
حب الوطن فطرة(ن)في قلوبنا نشله
] حب(ن)قديم(ن)وغالي يا وطن غالي
يارب تحفظ بلاد الدين والمله
مكه وطيبه وفيها خير منزالي
تحفظ وطنا وأمانك نستظل ظله
يارب يا اللي خلقت الكون يا والي
وحنا جنود الوطن لما حصل زله
الروح تفدى الوطن والدم والمالي
بشر عدو الوطن لا شك بنعله
بنزلزل الأرض تحت الرجل زلزالي
يا موطني لوحصلك أزمة وخله
دونك من الشعب جيش(ن)وأمن قتالي
تاريخ الأمجاد يفخربه ويشهد له
شعب(ن)قوي الأراده في كل الأحوالي
حنا سنان الوطن وسيوفه الصله
اسيوف هند(ن)تقص ارقاب الأنذالي
عهد(ن)علينا خلايا الشر منحله
بنحلها من وطنا الحر حل حالي
رح يا نديبي وبلغ زمرة الشله
قل الخليجي بري من جرم الأفعالي
الروح تزهق ودم المسلم تحله
وتروع اللي بداره آمن(ن)سالي
أنتم فئه ياهل التخريب مختله
مختله أعقولكم منتم بعقالي
أفكاركم مظلمه للشر مندله
شيطانم وزكم في شين الأعمالي
تهدم عمار الديار اليوم وتهله
في أرض الأمن والسلام وراحة البالي
أرض الجزيرة بلادي مثلها قله
أرض الفخر والبطوله وكر الأبطالي
ننكر فعل كل مسلم مايخاف الله
ننكر بكل الصفات وكل الأشكالي
أفعالكم ياهل التفجير منسله
من فعل صهيون عدوي عبر الأجيالي
أسأل الله أن يديم علينا وعلى إخواننا المسلمين نعمة الأمن والأمان ...
تقبلووو خالص تحياتي
كاكا