رد: مدونة أبو مسلم (قصص وفوائد ونوادر)
قصيدة مرسلة الى الشاعر عبدالله بن سعد بن هادي من سعد بن مظيمه
هاذهي القصيده مرسلة من الشاعر . سعد بن محمد بن مظيمه العبيدي القحطاني
الى الشاعر الكبير عبدالله بن سعد بن هادي رحمه الله ( مقرع الحق المشهور في قبايل عبيده )
وقد كان الشيخ عبدالله بن سعد بن هادي (منوم في مستشفى لعصان من المرض الذي ألم به )
أبدأ بذكر الله عظيم الجلالي
يا خالق ابن آدم ويعلم طواريه
يا من خلق سبع ورسى الجبالي
ومقدر الارزاق كل(ن) يناجيه
يا كاشف همي ويعلم بحالي
وايلى مرض عبده فهوه مشافيه
واثني بذكرك يا كريم الخصالي
راعي الشفاعه يوم كل(ن) يناديه
يا معلم الأمه حرام وحلالي
يا موعد الصابر بأغلى أمانيه
لا يا عظيم العفو منشي الخيالي
وايلى دعاك العبد جاوبت داعيه
يدعوك عبدك وأنت راعي الكمالي
انك تعافي بو سعيد وتشافيه
لا يا بن هادي يا شريف الخوالي
يا من نزل (لعصان) ربي يعافيه
يالشيخ يا ابن الشيخ باول وتالي
ما غاب ذكره بين ربعه واهاليه
شيخ كريم مرتكي للثقالي
قوله غدا حكمه بجملة معانيه
يا حاتمي (ن) بين ربع(ن) غوالي
دعوى بني عمه عسى الله يشافيه
الصبر يا بو سعيد في كل حالي
من يصبر لبلواه ربي يجازيه
لا يا بن هادي الدهر مر(ن) وحالي
ومن ذاق حلو لازم المر ياتيه
هاذي الليالي طبعها ما يمالي
منها المباعد خيرها والمدانيه
في الصبر حكمه وانت تفهم مثالي
واللي كتبه الله لا بد ناتيه
في شدة الدنيا ودور الليالي
ما كتب لك يالعبد غصب(ن) توافيه
أنا (سعد) مثلك عريب الخوالي
أوزن قوافي الشعر وافهم خوافيه
راعي الوفى والكذب عنده محالي
واللي بقلبه في لسانه مغنيه
لا يا بن هادي بين جنبي(ن) غالي
يحب من حبه ويبغض معاديه
من يبغضه قلبي تجيبه حبالي
واما حبيب القلب بالروح نفديه
يا ما عرفنا من بلاوي الليالي
لاكن عسى ربي يجاوب مناجيه
صلاة ربي في ختام المقالي
على النبي الهاشمي حين طاريه
كتبه مفرح بن قطمان رفيع التليدي
|