ياصاحبي والليل .. هـمّ وعذاريـب
والوقت ضيّع مازرعت إبسنينـي .!

ترجع بعد غيبه .. ثم تقـول بآغيـب
ياخي حـرام اللـي تسويـه فينـي.!



عشتك جروحٍ من غلاتـك معاطيـب
طال الزمن والحال حال السجينـي .!


انظم قصائد فيـك وارسـل مكاتيـب
في محتواها ( ويش بينك وبينـي ).!



روّحت من باب الوصل والمواجيـب
على أمل انـك تـروّح وتجينـي .!


وأبطيت عني قلت : علقّـه وتأديـب
ذهب .! ولكن طار من بين إيدينـي.!


حزن وثقالة نفس .! والخاطر إصعيب
بيّح كنينـي منّـك بيـحّ كنينـي .!


يالاللغرابـه منـك .. ياللأعاجـيـب
مخلصّ ولكنّ فيك عيـبٍ وشينـي .!


ترجع بعد غيبه .. ثم تقـول بآغيـب
ياخي حـرام اللـي تسويـه فينـي.!