منتديات قبائل ال تليد - عرض مشاركة واحدة

10-14-2022

📌أسرار طول وكثافة شعري 👩🏻

هالموضوع بالذات ع الاكيد كثير منكم بانتظاره وانطلب مني كثييير اتكلم عن شي يطول الشعر ومين ماتتمنى شعر طويل وكثيف قررت اليوم افيدكم بالاشياء الي اسويها ومستمره عليها لي فترة والحمد لله شعري ماشاء الله بدون مبالغه طويل بشكل ملفت قولو ما شاء الله🙋🏼 .

📌اولا وقبل كل شي كل شعر له طبيعته من حيث سرعة نموه البعض اول ماتقص شعرها ما يمديها تتهنى بقصتها الا و شعرها طال بسرعه ماشاء الله والبعض شعرها يحتاج وقت طويل وتتعب وهي تربي فيه عشان يطول..
مانختلف انه طبيعة الشعر لها دور كبير ولكن العنايه ايضا تشكل دور كبير ايضا👌🏻 السر وبكل بساطه ولا تستهينو فيه ابد ابد وسبق وتكلمت عنه اول مافتحت حسابي وخصصت موضوع له هو [[ زيت النارجيل ]] الي هو الزيت الاخضر القديم الي علبته حديد خضرا ايووووه ابو خمسه ريال ماغيره✋🏻هالزيت من الاشياء الي مستمره عليها اسبوعيا ازيت شعري فيه واغرقه بعدها غطيه باي قطعه قماش عندك لاتحطوون نايلون❌ اتركيه على شعرك من3_5ساعات ولو ماعندك وقت ساعتين كفايه وبعدها استحمي بأي نوع شامبو
بس كذا❓
اي والله بس هذا الي اسويه والكل يسالني عن سر طول شعري ومو مصدقين جربو واستمرو واحكمو بنفسكم

📌السر الثاني هو تظفير الشعر او تجديله مرره جميله وتربي الشعر احرصي عليها هي تطلع كسرات بالشعر لكن الي تبي تربي شعرها وتطوله تعتمدها بشكل دائم

📌الشي الثالث بالنسبه للسيشوار والستريتر ابد مااستعملهم الا بالمناسبات وطبيعة شعري الحمدلله ماتحتاج سيشوار دائم لكن حتى الي تحس شعرها يحتاج تخفف قد ماتقدر وتحاول تعتمد في طلعاتها اليوميه تسريحات ماتحتاج يكون شعرك ستريت وياكثرهم باليوتيوب

وخلصنا
اشياء سهله لكن لاتستهينو ب مفعولها والمهم الاستمرااار وابشروو بالشعر الي يعجبكم

لا تنسينا من صالح الدعاء