،،

السلام عليكم ورحمه الله وبركاته
اسعدتم ي احبه
وتقبل الله صيامكم ودعاؤكم


ندخل بالموضوع دغري ..


شفت مقطع بتويتر وشدني صراحه
وعليه ردود كثير
بالتأييد والمعارضة
وجلست افكر فيه ؟!


رجعت ادوه مالقيته هههع

محتوى الموضوع ..

**يقول ليه تعملون عزائم في رمضان .
اجلوا كل العزائم لبعد رمضان مايحتاج
لانه مالها فائده برمضان
لو تبغون تعزمون اعزموا ع السحور كبسه وخلاص
لكن الفطور لا تعزمون
لان الفطور اشياؤه كثيره
وكثير الأصناف فيه كونها عزيمه ؟


او ان لابد عزيمه اعزموا الأشخاص
ع الموجود من سمبوسه شوربه لقيمات وبس


السبب يقوله ///

حرام اللي جالسه تكرف في المطبخ حسوا فيها
وفي تعبها ..
لو فيه عزيمه تدخل المطبخ من قبل الظهر
الين المغرب
ايش ذنبها المسكينه توقف هالوقفه الطويله
عشان تفطر العزيمه كلها
وكل هذا الوقت بالمطبخ ولاكأنه رمضان
......

التعليقات اللي جاته :
اغلبها نقد له والبعض مايدين
النقد كان /
#احنا اهل كرم ونشامه ليش مانعزم برمضان!
#انت بخيل ليش البخل هذا؟
# معروف رمضان إطعام الطعام واحتساب الاجر
وانت تقول لاتعزمون
# متعاطف مع النساء كثير همهك هم روح ساعدها!؟
#ليه تحرض النساء علينا ؟
وكثير انتقادات ماذكرها


والبعض المايد يقولون
# صح لسانك مايحتاج عزائم
#شهر صيام وصلاه ودعاء مايتعوض
العزيمه بعد رمضان ملحوق عليها
....


..


رايكم انتم هل يحتاج رمضان عزائم
ولا صح كلامه ناجل كل العزائم لبعد رمضان .



#هو بصدق العزائم ندخل المطبخ من الظهر طول
الوقت الين المغرب
لان المغرب اشياءه كثيره وصغيره
مو مثل السحور او عزيمه ثانيه
بغير وقت فطور رمضان ...
..




..
ماراح اعلق ع ردودكم الا بالشكر لان كل
واحد ورائه بهذه العزائم
لان فينا المعارض وفيه المؤيد
راح اتابعكم حرف بحرف 🤍🤍
.

السفيره
..

لـتكن لنا أرواح راقيــه ,,
نتسـامى عن سفـاسف الأمـور
وعـن كـل مـايخدش نـقائنـا ,,
نحترم ذاتنا ونـحتـرم الغـير ..
عنـدمـا نتحدث.. نتحـدث بِعمـق
ونـطلب بـأدب .. ونشكر بـذوق ..ونـعتذر بِـصدق ..
نتـرفـع عـن التفاهـات والقيـل والقـال
نحب بـصمت.. ونغضب بـصمت
وإن أردنا الـرحيل .. نرحـل بـصمت
....