لكن تغليها دمر مانفعها
طرد الهوى يتعب قلوب الغنادير
حتى الرجال قلوبهم ينتزعها
يابنت والله ماحسبت المخاسير
ضحيت لكن هامتي ماخضعها
بعثت لك عن صادق الحب تقرير
يحمل مشاعر صادقه ماخترعها
هجرت لعيونك حلا النوم والغير
واعطيت لك روحي وقلبي تبعها
كنت احسبك ورده تسوق التباشير
تتبع شروق الشمس وتميل معها
لكن طلعتي شجرة مابها خير
عز الله انه ماكسب من زرعها
هذا حصيل الي تعب دون تفكير
رهن حياته عند سبة وجعها
الحزن يدفع دمعة الشوق وتحير
حزني دفعها وعز نفسي منعها
رحال ماتعب لو تطول المشاوير
لو زاد حملي قامتي ماهلعها
يلومني شخصٍ ورد جمة البير
ماجف ريقه والمراره جرعها
مايدري ان هجوس قلبي طوابير
هواجسٍ تزري خفوقٍ جمعها