هواجيس وذكريات

قصيده غزليه من هواجيسي ارجو ان تنال اعجابكم
رغم انني متأكد وانام بسببها خارج البيت هههههه

ياالذي خده كمـــــــــا بدر التمـــــام
وقت بدره ليلة الخــــــامس عشـــر

قلت له ذا القلب كم فيهو ســــهام
ياحـــــــــبيب الروح قلبي في خطر

ارحم الولهان ياشــــــــــــبه النعام
ياملاك الحســـــــن قلبك من حجر

بعـــدكــــــم يازين ماعـــــيني تنام
كم بكت لااجلك وكم دمــــــع انتثر

قالوا العذال مقـــــــــــــتول الغرام
هام قلبه واســــــــــتهان ولاانتصر

قلت كفو العـــــــذل مايفيد الكلام
دام خلي غــــــــايب(ن)ماقد حظر

لحظة(ن)والخل قدامي اســـتقام
وقال لاتســــــمع كلام اهل الغجر

قلت حيى الله من يجلي الظــلام
عن عـــــــيون(ن)كان قبلك تحتظر

قال لك في القلــب عزن واحترام
قلت لاتكمــــــــل فقلبي لك مقر

مع تحيات متعب الريثي

شاعر قلبك اخضر يابوحمد ههههه
يعطيك العافيه وصحت يمناك وذائقتك ع هذا المكتوب الرائع
يستاهل الاعجاب

صح لسانك ولا هنت اخوي متعب

اخوي الاستاذ تميم صح بدنك ولاهنت على مرورك
تحياتي وتقدير واللي ماقلبه خضر يتفتفت يااستاذ
ههههههههه والزاد بلاملح سامج لابد ساعه
وساعه اخوك متعب الريثي

الاخت العزيزه نسيم الجنوب شكرا
لمرورك العطر تحياتي لك
اخوك متعب الريثي

صح لسانگ ودمت لنا شاعر زمانك
تقبل مروري اخوك راعي الفزعهةة

صح االسانك أخ متعب قصيده جميله ورااااائعه
وماعليك لونمت برا البيت قنت تستاهل ع هاذي القصيده هههههه

بس صلح موضوعك بقصيده أخرى مدح وعتذار وهم خير من يعذر ويقبل الزله

تحياتي لك أخ متعب وأتمنا مايسبب قصيدك عليك بعض المشاكل

اخوي راعي الفزعه صح بدنك ولاهنت
اسعدني مرورك لاعدمناك ياغالي
اخوك متعب الريثي

اخوي ابو منير صح بدنك ولاهنت على مرورك العطر
اما الغلطة يابو منير قد وقعت هههههههههههههه
ولااظن القصايد تجدي بشي لكن لكن بااعتبر نفسي
انني تركت مجال الشعر ههههههه واظن هذا حل
شكرا لك ولاعدمناك اخوك متعب ابو حمد الريثي