||•||مطبخك حواء•|| |طبخات محلية وعالمية| | مقبلات| | حلويات وكعكات| |فطائر ومعجنات| | عصيائر| |سلطات | |
|
أدوات الموضوع | انواع عرض الموضوع |
#1
|
|||||||||||
|
|||||||||||
طريقة عمل شعيبيات سورية
المقادير للعيار ال1 12 او 13 قطعه شعيبيات: 3 كاسات طحين 1 ونصف ملعقه صغيرة باكينغ باودر رشة ملح صغيرة 4 ملاعق كبار قطر بارد او شيرة 1 ملعقه كبيرة سمنة 1 كاسة ماء كاسة سمنة طريه للتوريق الحشوات: قشطة او جوز مفروم مع سكر وقرفه وجوز الهند وماء زهر قطر بارد او شيرة: 2 كاسة سكر 1 كاسة ماء 1/2 ملعقة صغيرة ملح الليمون 1 ملعقه صغيرة ماء زهر طريقة التحضير 22 دقيقة اول شي منجهز القشطة والقطر ليكونوا باردين، 2 كاسة سكر وكاسة مي ونص ملعقه صغيرة ملح الليمون منحطون ع نار هاديه ومنحرك شوي ليدوب السكر وبس غلي المي مننظر 5 دقايق ومنضيف ماء زهر ومنطفي النار. لتحضير القشطة، لتر حليب حطيتو عالنار وبس سخن ضفت 2 ملعقه-كبيرة خل ابيض فرط غليتو شوي وطفيت النار وتركتو يبرد وبعدين صفيتو بقماشة رقيقه ومررتا ثواني تحت حنفيه المي ليروح طعم الحمض وعصرت منيح وسكبت المزيج بصحن عميق. حطيت عالنار كاسة حليب سائل مع 2 ملعقه-كبيرة نشاء وملعقه صغيرة زبده وحركتون باستمرار وبس غلظ قوام المزيج ضفت ماء زهر وطفيت النار وسكبتن فوق قريشة الحليب اللي حصلت عليا من فرط الحليب وخلطتون مع ملعقه-كبيرة سكر وبعدو عالبراد. حشوة الجوز، كاسة جوز مفروم مع 2 ملعقه-كبيرة سكر ورشة قرفه و2 ملعقه-كبيرة جوز الهند و ملعقه-كبيرة قطر وملعقه-كبيرة ماء زهر. عجينة الشعيبيات، 3 كاسات طحين مع نص ملعقه صغيرة ملح وملعقه صغيرة ونصف باكينغ باودر و4 ملاعق كبار قطر و1 ملعقه-كبيرة سمنة منخلطون مع بعض منيح وبعدو منضيف كاسة مي دافيه ومنعجن لتتشكل معنا عجينة طريه ومابتلزق منغطيا ومنتركا ساعه ترتاح. بعد ساعه منقطعا 4 قطع متساويه ومندهن كل قطعه بالسمنة الطريه ومنغطيون ومنتركون ساعه. بعد ساعه، منفرد اول قطعه لتصير شفافه ومندهنا سمنة طريه ومنرجع فوقا منفرد الطبقه التانيه لتصير بنفس حجم الطبقه الاولى مع الدهن بالسمنة كمان وفوقا الطبقه ال3 مع الدهن بالسمنة وفوقا الطبقه 4 كمان منفردا ومندهنا سمنة طريه. بعدو منلف رول وكل لفة مندهن سمنة ليخلص اللف ونحصل ع رول منحاول نمطو شوي ومنتركو نص ساعه بعدين منقطع الرول ومنصف القطع بصينيه ومندخلون عالبراد شي نص ساعه. بعدو مناخد كل قطعه ومنضغط عليا ضغط خفيف ماياثر عالشكل ومنفردا ومنحط الحشوة ومنسكر. مندهن صينيه الفرن بالسمنة ومنصف الشعيبيات ومنرجع منحط فوق كل حبة قطعه سمنة ومندخلن ع فرن حامي عالرف الوسط والنار من تحت ومن فوق ليتحمرو مزبوط وبعد الخبز منسقيون بالقطر البارد. |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصة طريقة برايل | تميم | - مسـاحةُ بِلا حُدود" | 5 | 08-25-2021 03:36 AM |
طريقة تحضير المحاشى بالصور ...روعه | أمـــــــــــــيـــــرة | ||•||مطبخك حواء•|| | 9 | 05-07-2021 11:03 AM |
طريقة عمل ميلك شيك أوريو | نسيم الجنوب | ||•||مطبخك حواء•|| | 4 | 01-29-2018 01:51 AM |
طريقة عمل البيتزا | حسناء | ||•||مطبخك حواء•|| | 3 | 02-06-2017 01:25 PM |
طريقة عمل الكابتشينو .. موكا فروبتشينو ..شراب الشوكولاتة الساخنة .. | أمـــــــــــــيـــــرة | ||•||مطبخك حواء•|| | 2 | 10-24-2010 09:29 PM |