تغريز على كيفك ،

السلام عليكم ورحمة الله وبركاته

حدث واقع بالصور

كان فيه واحد جاي من الخرج وده يتفرج على السيول في صبخه

الي تجيك قبل القصب على اليسار وانت جاي من الرياض

المهم الرجال وقف سيارته على جال البحيرة ونزل يتمشى

مادرى انا المويه وصلت لسيارته

حاول يطلع بس ما امداه

كفاراته صارت تدور في الطين

المهم خلا سيارته تمرح الين يجي الصبح

يوم جا الصباح فزعله واحد راعي حراثه

حاول يسحب الجيب لكن صارت هذي هي النتيجه

ومن جهه اخرى تلاحظون ترمس الشاهي شكلهم وسعو صدورهم

عند الحراثه

مسكينه هالحراثه راحت فيها

الحراثه تقول طلعوني انا وش جابني هنا اصلا

المهم اشرو لراعي الشاحنه على الخط جا يبي يسحب الحراثه

شوفو النتيجه

شوفو خط الزفلت قريب منهم

عرفو ان الموضوع راح يطول والدليل ترمس المويه

قالو مابدهاش لازم نجيب دركتل

وشفو وش صار

المهم قالو الحل الاخير هو الاتصال بالدفاع المدني وقامو وزينو الشاهي

بعد ماخلص الشاهي الي فترمس وقعدو يتقهون من البريق الي قدامكم

وفعلا جا الوايت علشان يسحب الي غاطسين

وشوفو وش صار

وتركو شلة السيارات الي غاطسه واحولو يطلعون الوايت

بس مافيه امل

يوم اعجزو قالو مايفل الحديد الا الحديد

جيبو ابو جنزير

ويجيه ماجاهم

وجابو عمال البلديه يحفرون له وحطوله خشب يبونه يطلع لكن ما فاد

وبعد ما استفادوا من الدرس اللي تكرر عليهم في الجيب والحراثه والشاحنه والدركتل والوايت وابوجنزير

قرروا يسحبونها من بعيد ربطوا عدة وايرات في بعض وطلعوا ابو جنزير ويقولون ان الدركتل اللي سحبه على الزفلت
الصبخه ماتلعب معها ههههههههه

ما يستفاد من الموضوع الاتي :

1- لاتهايط اذا شفت السيل

2- حاول تستفيد من اللي توهقوا قبلك

3-ليس كل من اتصل بالدفاع المدني سوف يطلع

ابو رنا

ســـلــــــمت يداااااكــ
{..رووووعه ,,
ربي يعطيك العااافيه ,,,
لاخلا ولاعدم ,

ابو رنا
درس جميل جميل جميل ..!!

هههه حتى ابو جنزير جاب العيد

واصل ابداعك يالغلا

دمت بود

أميـــــــــــــــــــــــــــــــــــــــــــــــ ـره
ابوشموووووووووووووووووووووخ
مشكووووووووووووووووووووورين
على المروووووووووووووووووووور
الجميـــــــــــــــــــــــــــــــــــــــــــــ ــــل

تحياتي للجميع على الابداع مشكووووررررين اخوكم الغزواني

شي جميل ونقل رائع
لك تحياتي