صدمة تجيك

صدمة تجيك

صدمه تجيك من أبعد الناس تجرحك
يمكــن تعــديهـا بحـسبـة ثــــوانــي

لكن لا جتك من أقرب الناس تذبحك
عـشـان تنسـاهـا تـبـي عمــر ثـانـي

ياقـلب أنا كـم لـي أعاتبك وأنصحك
وأقــول لـك ياقـلب وأنت تعصــاني

أتعب على اللي كل ماجيت يفرحك
لاتضيـــع أيامــك تــرا العمــر فاني

اللـي يبي يخسرك ماراح يربحــك
واللــي يبــي يربحــك لجلك يعــاني

واللي يبي يسترك ماراح يفضحك
يفضحك من يرضى عليك الهواني

واللي يبي يشتمك ماراح يمدحك
حتى لو أنك مجني تصير جاني

واللي يبي قربك لو أبعدت يسحبك
حـتى لــو أنك بحـــر مابك مــواني

واللي يبي بعدك لو يدل مطرحك
ماجــاك لــو كنتم قراب المبــاني

أتعــب على عيون إذا جــات تلمحك
تلمـــح بنظــرتهــا وقــدرك معانــي

ولا تـقـــرب مبعــد القلب تلـفحـك
هبايـب الصدمــات ســـم المحاني

صدمه تجيك من أبعد الناس تجرحك
يـمكـــن تعـديهــا بحـسبة ثـوانـــي

ياقـلــب ريحـني علشــان أريحـــك
بيـت الصحيـح ولا بيــوت الأمــاني

سعد صالح المطرفي

يسعد قلبك يالغاليه على هذا العطاء
مجهوود مميز ورااقي
لك شكري وتقديري