هل انت ضد او مع ..ولماذا?

مع ي تميم '' إلا أن كان لديه حوش ف ضد'
....
معليه أعود لسؤال الحره ماقبل الاخير'
أن عضو يتودد لأجل قهر عضو '
للأسف نحن ندخل موضوعات ونقاشات وردود
ونرد بصدق ونتعامل بذووق
لكي نسموو باخلاقنا' ' ونترفع عن الدنايا 'وإن احدنا
خالف الآخر بنقطة فالمفروض لايودي إلى خلاف ومشاحنات
المسأله بسيطه جدا' نتجنب العضو ونرد بحدود الاحترام معه''

وللأسف لاحظت هذي الفئہ ي الحره
بمنتديات ' ولا ادرى ما هدف هؤلاء من دخولهم المنتديات!!
أن كان عضو لايعجبني لست بملزومه اني اتودد
لأحد لكي اغيظ الاخر' نحن أسمى نحن أرقى من تصغير احجامنا '
لهذه الدرجه'
...

''
أمم السوال
ماعندي الآن وقت لتفكير لأنه وقت سحووور خخخ
ولكن مع آوضد ندخل عصر غدا للمنتدى
كونه يوم لابد استغلاله بالدعاء؟ فلا يعوض عشية عرفة '
..
الله يسعدكم ضممووا اسمي معاكم بالدعاء لاتنسوني'
الله يرفع قدركم ' ويرعاكم ويحقق أمانيكم'
امين'

اكيد مع وفكره رووعه السفيره وانا اولكم ماباشارك
والله يجزيك الف خير السفيره ع هذا التذكير والاقتراح ويكتب لك الاجر
بالنسبه لسؤال الحره ما ادري بالضبط تقصد في حياتنا العامه او كان مقصدها المنتديات والاعضاء ولكن بشكل عام يجب ان يسمو الشخص سواء كان رجل او امراه عن بعض التصرفات الغير مطلوبه في تعامله مع الاخرين

طيب سؤالي
مع او ضد الالعاب الناريه للاطفال

...............................

مع وبقوووة
اجل وش ودك تميم تحوسون فوق روسنا وتقلبون البحر طحينه هههههه

مع او ضد ان الواحد يسوي عزيمة على الاضحية حقته وما يتصدق ولايهدي
منها شي اتباع للسنه وطبعا هذا هو الحاصل
يسوون فيها مفطحاات !!

تعارض كبير .. مااشي الحال..
حلوو ردك سفيرتنا على سؤالي مع العلم ماحددت عضو واكتفيت باحد
وعجبني رد تميم حيث كان لايخلو من الدوعابة لله دركما اثنينكما هههههه

بكره طبعا حنا البنات راح نقضي الوقت كله في المطبخ
الا ان اعتقونا من عمل الافطار واكتفو بالنواشف
ربي يرحمنا ويغفر لنا
ويتقبل منا ومنكم صالح الاعمال

الحره ما كانك عديتي سؤالي هههههههه
طيب باجاوب ع سؤالك
ضد طبعا بس صراحه المفروض نتبع ونعمل بالسنه ثلث يؤكل وثلث يهدى وثلث يوزع المحتاجين

بارجع لنفس سوعالي ماعندي غيره
قضية الالعاب الناريه والاطفال

اكيييد ضد وبقوه. الله يىبعث حمى للمصنع والمورد والمستهلك اقصد اللي يشتريها
لولده وهو لسع ما يعرف كوعه من بوعه قال ايش قال خليه يفرح ويعييد
ولمن بجيب الولد في نفسه العيد قال قضاء وقدر
ي اخي الوقايه خيرا من تصرفاتك خذ بالاسباب



سووؤالي


عندنا العروس تروح القصر بعد العصر مباشره بموكب وحركات وبعد المغرب تنزف ع المنصه
وبعد العشا تتزف لسيارة زوجها مع السلامه كل شي انتهى

وفي المدن تعرفون ما يحتاج اسرد لكن. الملفت ان العروس تجى ع القصر بعد نصف الليل
وتطلع من القصر ع صلاة الفجر


اش رايكم. الحين مع او ضد من الحالتين بصراحه

كان فيه تعارض ولخبطة ياتميم لاني اجلس في الرد عشر الى ربع ساعة ع بال ماتتحدث الصفحة ويظهر ردي وطبعا يكون وصلتم الصفحة الي بعد بعدها
ولا يهمك اخي
ضد الالعاب الناريه واكرهها كرره ودايما في نزاع
مع اخواني يصرفون الوف مالفة عليها في الاعياد والمناسبات
ولا يمكن اجلس اتفرج ولا استمتع معاهم وياكم راحو فيها من اطفال وكبار
هي ظاهرة بل وعادة سيئة ولا بد من بترها من الجذور
خوافه جددا

ريلاكس / انا صراحة ماتعجبني زواجات الديرة جملة وتفصيل
لكن لست ضدها بتاتآ لان فيها ميزات حلوة
واهمها الساعة تسعه المسا انتهى الفرح ، منكم واليكم والسلام عليكم
وهنا صار الوقت له قيمته الي ماتقدر بثمن
اتوقع لو سالنا كل البنات بيكون الرد مع زواج المدن
سهره وفله واخر انبساط مع الطقاقة الي تنوح طول الليل ابوصالح سرى ليلة
عموما كل شي له ايجابيات وسلبيات فان تغلب الحسن على
السيء فهو الافضل
سؤال جميل ورائع لذلك يستمر

وأنا بعد ماتعجبني كثير زواجات الديرة كان فيها صمت قاتل مع إنها حاليا عندنا بدأت تشابه أعراس المدن بتفاصيلها وضجيجها.. هي ليلة العمر البنت لازم تستانس وتنبسط هي وأهلها وصديقاتها وكل الحضور..
لكن أنا ضد المبالغة والبذخ والتنافس المحموم لمين يكون عرسه أفخم وتكاليفه أكثر..
يستمر سؤال ريلاكس

وانا كمان ضدها' السهره ماتبدا إلا ع 12 عندنا يعني بمقارنة
الديره خلصت السهره' زماان '

هي ليله بالعمر مو بكل يوم وتبي العروس
تفرح مع صحباتها واقاربها' 'يحتفلون فيهآ'
..
لكن بالأخير كل مدينه ومنطقه وبلد لها عاداتها ونكهتها
بالاحتفال'
....
مع او ضد دخول العريس بالقاعه مع عروسته لزفه؟

ضددددد اقوى شي في الحياة
احسه استظراف ومزهرة مالها داعي خلص كفاية انتص وانزف واتصور
في الغرفه مع عروسته ونزوله علينا واجتياح خصوصيتنا
اشجبه واستنكره
راح ليلنا في البسوا العبايات فصخوا العبايات
مانبي نشوف وجهه المتميلح
الله يوفقه ويسعده مانبي نشوف رقعة ويهه ههههههخ

واحد من اخواني ليلة فرحه طلبت عروسته ينزف معاها
قلت استحاله لو كان بشرط فصخ عقد الزواج
صراحة عندنا عيب نطلع الرجال فوق حريم الناس!!!

عقبني السؤال
يسيستمممررر

خخخ الحره'
حنا عنا بصراحه عيب ولكن نتعامل مع الموضوع
بأنه حرام أكثر من العيب''
العيب الآن أصبح لدى البعض أمر عادي!!
''
لكن مثل عيال خواتي بالله' شباب اليوم
يبغون التباهي بالزفه وحركات الكوشه
والهدايا'
بالله ذولا كيف نمنعهم خخ نخرب عليهم زيجتهم!
نخليهم يدخلون وينتصون وأحيانا يطيح العقال هههع
لكن مايطولون' عشان العروس بحاجه للوناسه
مع رفيقاتها' واهلها'
....
ضد مع خروج النساء لصلاة الكسوف أو الخسوف؟
نسأل الله المغفره و الرحمه'
..

اتوقع ببيتها افضل


مع او ضد اكل الضبان