التفاصيل الصغيره ..

الشاعر وفهد المساعد

شاعر عذب يتنفس شعراً ويبووح بحلاوة الشعر

وقد اخترت لكم بذائقتي من قصائده هذه القصيدة

اتمنى أن تحوز على اعجابكم وترتقي لذوائقكم

.. التفاصيل الصغيره ..
ازعل عليك احيان
وأزعل على نفسي قبل ما أزعل عليك


وأرضى عليك احيان
وأرضى على الدنيا وانا راضي عليك

وأنت عمرك
ما زعلت .. وما عتبت ... وما رضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ما أحب انا ازعل عليك
ازعل انا لأني احب

***

يا أدفي من حروف الشعر
يا أرق من حلم السنين

إذا تركتك تنتظر
حسسني إن انت حزين

ما ابي تقول مسامحك
قل : ما أبيك

وإذا رجعت اصافحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ما أحب أنا أقسى عليك
أقسى أنا لأني أحب

***

أدري فيك تموت فيني
وأنا ميت من برودك

لي متى وانت تبيني
وما تحسسني بوجودك

ايه ... حسسني بوجودك

لمّ صوتي
بعثر حكاية سكوتي


لا تخلي الحب يفقد همسك العذب ويمووت

قل احبك ..

قل احبك

بأعلى صوت

انا مليت السكوت

***

يا إبتسامة قلبي ولهفة حنينه
يا شقاه ويا حنانه

يا بعد كل المسافات الحزينه
معك امانه

الدروب اللي مشينا .. لا تضيع وتغترب

بالتفاصيل الصغيره
نقدر نعيش ونحب ..

مع ودي وتقديري

الحريصي

التفاصيل الصغيرهـ
هي أساس كل بدايه
يعتمدُ عليها كل بدايه

صح لسان أبو مساعد
وبيض الله وجهكـ أخي الحريصي
مودة أمير الذوق

المشاركة الأصلية كتبت بواسطة الحريصـي

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

الحريصي


كنت رائعا في اختيارك

فما اجمل ذائقتك وما اروع الابيات

والكلمات الحساسة الرائعه

وقد اخترت منها مارأيته ابلغ فالتعبير

مع انها كلها ذات معنى بليغ

خالص تقديري

اخوك المراسل