كسر الخواطر مثل كسر الزجاجة

كسر الخواطر مثل كسر الزجاجه
:/

الحر يزكى .. والدجاجه.. دجاجه =
وماني على بعض المقاريد مجبور

الضرس قلعه لا تألم علاجه=
لا صار ما ينفع معه طب دكتور

وحكي القفى في الناس عيب وسماجه=
وإللي يتتبع عرض الأجواد مثبور

نارد قراح الماء ونترك هماجه =
هذا لنا مبدأ.. ومنهج.. ودستور

واللي يطفي في الغداري إسراجه=
لايحتري قمراء ..ولا يرجي النور!!

تراه يضيع صيدته في عجاجه=
لا يسمع الناصح ولا يأخذ الشور

والكل يبخص في الشدايد خراجه=
لانشبت اللقمة من الغبن في الزور

والحظ لابان الردى في حجاجه=
أصبر مدام الصبر ياخوي مقدور

الله خلق كونٍ وسيعٍ.. فجاجه=
والعبد لو يطرد ورا الرزق معذور

و(راع) الرفيق ولا تعكر مزاجه=
خله سعيدٍ دايم الدوم مسرور

كسر الخواطر مثل كسر الزجاجه=
نفس البشر دم.. وأحاسيس.. وشعور

وإللي يتصدد مالكم فيه حاجه =
يالله عسى إللي يدور الستر.. مستور

واحذر تصير لبعض الألسن (علاجه)=
بعض البشر يشهد.. ويحلف ..على الزور

والتمر يعرف طيبه من خماجه=
ماجور ياللي تدهل الطيب ماجور

الواحد القهار راعه وناجه=
الله يكافينا من الضيم والجور

يقوله إللي قاسي الوقت عاجه=
صابر وهمه داخل الجوف مقبور!

الشاعر راعي مرات ..

كلمات جميله ورائعه فيهااا معاني للأصاله
وفن في التعبير
اخت ندى
طيبتِ بود ولك جل التقدير

كليمات رائعة يعطيك العافيه
ندى الجنوب
طرح موفق بارك الله فيك تحياتي وتقديري

ماحلا القصيده ومااحلى العنوان


كسر الخواطر ..
ليست عظاماً تجبر بل أرواح تقهر !
لا ارانا الله هي ولا اذقناها لغيرنا

صح لسان الشاعر
وسلم بنانك ندى
لاعدمناك 🌹

اسعدني مروركم
تقديري وكل الشكر

صح لسان شاعرها وسلمت يمينك ياندى

وسلمت عالمرور اخي النادر

تقديري وكل الشكر