قصيدة الشاعر علي بن فرحان التليدي (نخوة آل تليد ) مكتوبه

قصيدة الشاعر علي بن فرحان التليدي ( نخوة آل تليد ) مكتوبه


هذه القصيدة نخوة لمشائخ آل تليد وقبائلهم جميعا سواءا المذكورين في القصيدة أو غيرهم

في طلب الاقبال على قبيلة آل غليس في قضية آل دمنان وآل مطري

وطلب العفو من محمد بن مطري وأبنائه وربعه لجمعان بن سلمان بن دمنان .

وهاذه القصيدة تنخى كساب الجميل محمد بن مطري في العتق لوجه الله

وكسب الأجر والمثوبة من الله عز وجل وكسب الجميل لدى بني عمه آل تليد وهو أهل لذلك



يا لابتي يا اهل الوفاء طول الازمان
يا اهل المواقف والعلوم الجزيله


انتوا هل العليا وللطيب عنوان
وملاذ رجل (ن) هم وقته يزيله


كسابة الناموس للمدح ظفران
قوم (ن) تروم الطايله والطويله


بني تليد المجد من ساس شجعان
بافعالهم كل الصعايب سهيله


تكفون يا ربعي مقاديم خولان
في وقفة (ن) فيها الشرف والفضيله


ننخاك يا مقدامنا وانت مزبان
يا شمل ربعي يا حزام القبيله


ما للعظايم كود شروى بليهان
الشيخ ناصر يا ذرى من يجيله


شيخ (ن) تنصاه القبايل وشيخان
الشايب اللي ما تشكى دخيله


يا ابوحسن مدحك دلايل وبرهان
على وفاك وتاج عز(ن) نشيله


وانخى حسن ياللي مواقيفه تبان
قرم(ن) ولد قرم(ن) فعوله جليله


وانخاك يا شيخ(ن) تعليت في الشان
واخترت من درب المراجل طويله


يا شيخ طالع موقفك موعده حان
ياللي كتوفه للحمول الثقيله


وانت ابن مانع يالشلي يا كحيلان
تصغر على يدك الامور المهيله


وانخى بني مقبول وانخى آل شبان
عيني لكم عند اللوازم مخيله


وانخى آل جاحص وانتخي في آل جبران
يا ربوعنا اللي تفعل المستحيله


وانخى بني عمي المشايخ والاعيان
وابناء تليد وكل من ينتمي له


وقفة وجيه العز نطلب بجيهان
عند آل منجف يالرجال الاصيله


ونسأل بالله في العفو لآل دمنان
في الماقف اللي قد تبين حصيله


عفو لوجه الله ومن مد الاحسان
يجني الثواب وجنة الله مقيله


وأنتوا عيال العم يالربع واخوان
واللي يطيع ابليس يمسي عميله


يا بن مطري عزوتي ذرب الايمان
راعي الجمايل والعزوم النبيله


يابن مطري جاء في الاقدار ما كان
واللي قضاه الله فلا فيه حيله


اعتق سجين(ن) من ورى قفل سجان
وأنقذه من حد السيوف الصقيله


أمه تنوح وغرق الدمع الاوجان
تنخى محمد ما بيدها وسيله


ابوجه ابو متعب وثم وجه سلمان
تكسب ثواب الله وتكسب جميله