قصيده ناجع فرحان التليدي بحالهم في الحرس

.سلام من نقطة غبر يكتب ويرسلي
ياصل لقايدنا المحيا الصامل الشلي
القايد اللي به حروف الشعر زاهية

باسمي وباسم اللي مواقفهم تجملي
خوياني الشجعان واصحاب الطوايلي
فخر الحرس واعلومهم في كل ناحية

من بعدها ياقايدي حنا انتاملي
يتغير الواقع ويصبح شي حاصلي
ظروفنا تبغا الصراحة غير عادية

حنا نعاني النقص وانواع المشاكلي
من يوم جينا في غبر واحنا نقاتلي
باجبال راية غير خشا وا عماقية

خلف الاثر في كل مطلاع"ومنزلي
واحنا ثلاثه واربعة ياكود نكملي
نلقى الخطورة دايما في كل دورية

قوم الحبش من قبلنا سوو الهوايلي
من القهر يسرون من دون الدلايلي
واللي يخاويهم مرادين وقيافية

واليوم من فضل الله الواقع يجملي
السجن في جازان ما عاد يتحملي
مليان والمنصاب منهم جاوز المية

ومن الحشيش اطنان جبناها تهولي
ومن السلاح اكلاش وشميزر وجرملي
ومن الذخاير حارق وخارق وشاظية

نسري سواد الليل ما نجلس نماطلي
ولا نهاب الموت لو صوته يزلزلي
الموت حق وساعته لا بد اتية

بس ودنا الرجال منا لا يهملي
مايستوي العامل ومن ليسه بيعملي
المجتهد يستاهل يكرم بترقية

وقبل الختام استاذنك تسمع لما يلي
خلو عيار الترقية للفرد لافضلي
اللي يقدم للوطن خدمة وتضحية

الجامعي في ذمتي ما اظن ياصلي
محل ما ناصل ولا حتى يحاولي
الا اذا عنده معدات" وتقنية

هذي حقيقة والحقيقة وضعها جلي
حنا حماة الحد والحصن المقفلي
واهل المكاتب يسبقون بكل ترقية

واحنا بروس اجبال واقعنا مبهذلي
لو المدير العام عنا كان يسالي
يلقى محاظرنا مع المقبوض كافية

في كل ميدان" لنا صوت"وزاملي
يقدم لنا جمعان ومفرح وابو علي
واخو شريفة وا علي نيران لاظية

واحمد ولد سلمان للخمسة مكملي
واشيوخنا لا شب صارخنا تقبلي
حسين وجبران وقفتهم ظرورية

توجيه ابو سلطان امرنا المفضلي
وقت اللقا له وقفة" بالصف لاولي
مجموعة"في ذمتي ماهي بعادية

مع احترامي للبقية كل صاملي
نقطة غبر تجمع من الافراد لافضلي
هذي حقيقة ظاهرة ماها بخافية

والختم صلينا على احمد خير مرسلي
شفيعنا في يوم طوله لا يماثلي
باعداد ما ربي خلق ذرات كونية

الشاعر /ناجع فرحان التليدي


[emoji257]