بـــــــــريـــــاني الدجــــــــاج الهنـــــــدي بالصور ....حياكم

#1 06-10-2010

مساء الورد

اليوم طبختنا ألذ طبق الكل يمووووووووووووووووت فيه

( بــــــــــــــــــريــــــــاني الديـــــــــــــــاي الهنــــــــــــــــــــــدي الملهلب الحااااااار. )

اول شي نقول بسم الله الرحمن الرحيم

اول شي الدجاج تنقعينه بالماي والملح والليمون...والخل وعقب اتبهرينه واتقلينه

عقب مايخلص الدجاج لاتغيرين الزيت نفسه هو حطي عليه شرايح البصل عشان ياخذ نكهة الدياي

عقب اطلعين الدجاج والبصل

وعقب مايخلص البصل نظفيالزيت حطيه في كاسه وارجعي صبيه في القدر وحطي بس الطماط لين يذوب

وطبعا العيش اتحطينه عالنار وفيه سنوت الهندي مال البرياني والقرفة والهيل والمسمار والفلفل الصغير

عقب اشخل العيش

طبعا هاي خلطة الروب تحت العيش عبارة عن 4 روب صغير المراعي ...والثوم ..والكزبرة مع النعناع والكريبه والفلفل

عقب احط الروب في القدر واحط عليه البهارات...واخلط والبهارات هي( ملح-بزار هندي كركم ثوم 4 ملاعق وقرفة مطحونة شوي وهيل مطحون وكرم ماسالا وبهار البرياني الهندي..)

عقب احط الدياي المقلاي

وعقب احط البصل المقلاي والطماط المشوي احطه فوق خلطة الروب عالنار..

عقب جي يصير وخليه عالنار

وعقبها اخليه ينطبخ لين يصير لونه بني...وطبعا ماانسى الفلفل والكريبه والكزبرة...

وعقب احط في القدر مال العيش طبقة من العيش وعقب خلطة البرياني وعقب العيش واحط عليه ليمون في طاسه مع صبغة البرياني واصبه فوقه...مع البصل المقلي والكزبرة والنعناع...واحط عليه 4 ملاعق صغيرة من السمن الهندي روعه طعمه واغطيه واخليه ينطبخ على نار هادية..

هذا هو السمن الهندي

والحين صار دور الغرااااااااااااااااااااااف

طبعا البرياني مع خلطة الروب وهي عبارة عن ( روب+ ثوم + كزبرة + نعناع+ فلفل+ ملح)

وبالــــــــــــــعافية عليـــــــــــــــكم واتمنى يعجبكم