رديات مع شاعر

رديات مع كايدهم بالقـــــــــــــوافي
كايدهم باالقوافي
بعض العرب تلقاه طبعه شــــــــموخ
يهلك ولايشــــــــــــكي تزايد هزلها

متعب الريثي
وبعض العرب تلقاه عقله طـــــــــنوخ
ان شاف حاجه تو عــــــــــــينه ازلها

كايدهم باالقوافي
شـــــــــــــــرواك يامتعب ولد شيوخ
ماهمكم دنيا وكــــــــــــــــثرة عللها

متعب الريثي
ياخوك عقلي دايم الدوم بيـــــــــدوخ
من حب عذرا مالقـــــــــــــــينا مثلها

كايدهم باالقوافي
خذلك معك بعض العرب والشـــــــيوخ
وادفع مهـــــــــــــرها دام طيبه اصلها

متعب الريثي
شفته بجسم (ن)ناعم(ن) والنهد خوخ
قلبي تمناها وماقد وصـــــــــــــــــلها

كايدهم باالقوافي
غير لباسك يوم خلليه كاالجـــــــــــوخ
والبس جنز يمكن بيعجــــــــــب اهلها

متعب الريثي
ماني من اهل الجنز راعيه مصـــــــلوخ
لبسي مثالث والجنز مانشــــــــــــلها
لبسي ولبسك لبس بشتات لشـــيوخ
وخل البناطيل الطويله لاهلـــــــــــــها

كايدهم باالقوافي
بيني وبين الجنز احراب وشــــــــــروخ
مير البلا جتنا حضـــــــــــــر في حللها

مع تحيات متعب الريثي

صراحه استمتعت وشدتني هذه المحاوره الجميله
من اجمل المحاورات وليت تبين معنى لبسي مثالث لمن لايعرفه
صح لسانك شاعرنا وسلمت بنانك ع اتحافنا

محاورة جميلة وابيات رائعة
صح لسانك اخي متعب ابدعت
نحن بنتظار جديدك دائماً

اخوي الاستاذ تميم اولا صح بدنك ولاهنت اسعدني مرورك
ثانيا اذا كنت انت لم تعرف المثالث انا بغادر التواصل الاجتماعي
هههههههههههه والمثالث او المثلوث نوع من لباس البدو وكان
عندنا لايلبسه الا من قد تطهر او اختتن بمعنى اوضح المهم
المثالث ازار تحياتي لك اخوك ابو حمد الريثي

المشاركة الأصلية كتبت بواسطة راعي الفزعة

محاورة جميلة وابيات رائعة
صح لسانك اخي متعب ابدعت
نحن بنتظار جديدك دائماً

اخوي الاستاذ راعي الفزعه صح بدنك
والف شكر على مرورك تحياتي لك
اخوك ابو حمد الريثي