انا واختي

بسم الله عليكم
السلام عليكم ورحمة الله
انا اختكم بدويهه جيت بقصيدتي والا مرثيتي سموها
انا واختي الصغيرة تعبانات من جور الحيات وكل مافيها
من مشاكل علينا في هذي الدنيا الفانية
بنموت كلنا ليش مانسوي خير مع كل قريب وبعيد
في هذي الحيات
نسوي طيب لان الطيبين يحبهم الله والخلق
اما البطالين ينكرهون حتى ون كانو اقرب قريب

هذي قصيدتي كتبتها في مناسبة من المناسبات
الي اوجعتني في نفسي
ليت ليتها تعجبكم لجل انشر كل ماكتبت عشان سمعت يقولون فيه
شهرة وناس يتابعون لاكن لاتجاملون على حسابنا
مانبغا نضحك على بعض
@@@@

كتبت بدموع عيني قصة يندى لها الجبين
انا واختي مساكين وفي حلب البقرتين ملزومين
وحتى ذبايح الضيوف علينا واحيان مانعرف وتنثني عليناالسكين
وابوي يهاوش وبعصاته يضربنا
لمتنن ينزل الدم من خشومنا ومن العين
هذا حلال ولا حرام يامسلمين
واذا جات امي تفزع يقصعها بركبة في بطنها لين تهل دمع من محجر العين
ياربعي هذي ماهي عيشة ولا حياة الصالحين
وكل ماجانا معرس رفض يقول كم تدفع من ذلحين
ويطلب مهر كثير وكسوته عشرت الاف وفوقهم بشتين
وامي لها الضعف وزيادة الفين
ويشترط اعود كل يوم عندهم احلب البقرتين
واخض الحليب واطبخ لهم قدرين
وفوقها اقضب الغنم لبيتها واقشر لهم صحنين تين
لين طير المعاريس وفات القطار
وصرنا عوانس مشهورين
هذا شعري وهذا انا وهذا انتم
وابوي لايدري فيذبحني ذبحة بقرة
تنوح ماتريد الا حيات المرعى في البساتين

قبل ماقراء السالفه والقصيده
نرحب بسموك الكريم ونقول اهلاوسهلا
ومرحبا الف

وتمنى مايجيك ولايجي اختك شر كلنا بها الدنياء معرضين للمرض للمشاكل لليتم

للحياة السعيده والموت بمرالخالق

كما اتمنى تكوني معانا بها المنتدى اخت وصديقه نفرح من فرحك ونحزن من حزنك وكلنا

ابنا ادم وحواء لافرق بيننا تحياتي وتقديري

حياك الله

المطرح مطرحك

ههههههههه صح لسانك يالبدويه
وحياك أختي منوره زين كسبنا شاعره بينا الله يعطيك العافية

حياك الله بدويه
بدايه موفقه ههههع
وإن شاء الله ربي يعوضك وتزين لكم الحياه
لكن اسمعوا كلام ابوكم. الله يحنن قلبه عليكم ههع

مراحب
.
.

واررحبي يابدويه
سالفه جزله صحت يمناك ههههه

ما ادري هذي قصة خيالية
ولا نشر غسيل !؟!

بس صراحة ضحكتني الركبة الي في بطن امك هههههههه

شكرا لشفافيتك ..

اذا القصيده من الواقع فا اسال الله ان يفرج همك عاجلا غير اجل
والله يحيك بين اخوانك واخوااتك

ودووم يارب نشوف تواجدك الاشكله مميز