مدونتى من القلب لفلسطين الابية

ف .. ل ... س ... طين

"الفه" فؤاد انكسر و الدمع صار سكة

"اللام" كلام اتسطر و فتحنا بيه عكا

و "السين" سلام كالمطر أصبح كما البركة

و "الطين" على الروس يغني الوداع مكة

يا أم اليتامى بكيت و الضحك كان صوتي

و من عذابك شكيت و الرد كان موتي

ما تطلبيش مؤنتى ، ده عدونا واحد

قتلك زرع محنتي خلانا نتباعد

بيني و بينك ياجريحة سنين

لو ترجعيها أعيدك و لو تروح ملايين

بيني و بينك يا حبيبة كتير مشاوير

لو ترجعيها أعيدك بس فين ترجع

ده كل شيء في الحياة للقلب صار يوجع

لسانه بنكتب التاريخ فوق سطور مجروحة

لسانه بنلملم الكلام من حروف مدبوحة

لسانه بنحلم بسلام مع ملاعين

لسانه بننشد العسل من لسان تعابين

أنا جيت أرجم الشياطين قالوا لي عيب يا ابني

طول عمرنا حبنا يهد ما بيبني

قلت أبالسة و تترجم قالوا لي عيب يابني

و بقيت أنا وياكي لوحدينا في مهب الريح

سألونى فين سكتك رديت و صوتي صريح

طالع على صخرتي قلبي عليل و جريح

بصيت ورا لسكتي و الدم ماليها

راحت خلاص قصتى و الدم دا ليها

و الصرخة جوه الحشا دايما نخبيها

فلسطين لينا كلنا ....... !!!

بس مين يا ترى ليها ... ؟؟

مين يا ترى ليها ؟؟؟؟؟