الا حبيبــــــك لا تحاول تذلهـ

اغرس على صدر الهوى طعنة ايديكـ
وادفن غلاي وماضي الحب خلهــ


كنت امس غالي لكن اليوم ما ابيكـ
ما ابيك لو انك دوى كل علهـ

ما ابيك لو روحي تنازع وترجيكـ
مادام في حبك خضـــوع ومذلهـ

ابتركك لو صوت الاشواق يدعيكـ
وامحي الغلا من داخل القلب كلهـ

واطوي زمن حبك وصفحات ماضيكـ
يوم الغلا ياصاح ما انتب هل لهـ

دور على غيري حبيب يجاريكـ
يقبل خطاك ويتحمل كل زلهـ

رميت قلبي بالعنا والتهاليكـ
وكرهتني بالحب دقه وجلهـ

واسقيتني همك وانا بس اداريكـ
ما للوفاء درب قلبك يدلهـ

بكيتني واليوم والله لابكيكـ
دمعك على فرقاي تبطي تهلهـ

خذها نصيحه في حياتك ووصيكـ
الا حبيبك لا تحاول تذلهـ

قلي وش الي بس للغدر حاديكـ
وسيف الخيانه ليه كفك تسلهـ

حسبي عليك الله عني يجازيكـ
مالك امان ولا عهود وملهـ

قصة غرام مات سبة تجنيكـ
تنقش على صدر السحاب المضلهـ

تاهت مراكب حبنا في موانيكـ
بيدك ماخليت شي بمحلهـ

وش لي بنبض القلب لو صاح يبكيكـ
وانت اكبر جروح العنا والمذلهـ

راقتـ ليــ