السفيره(يوميَّ المميز)

المشاركة الأصلية كتبت بواسطة السفيره

صاحيه من بدري
مالي خلق افطر

سويت غدا ع طول بدري
سويت رز بخاري سريع 🥳😂
حق فعالية ندى سويته سريع
لكن طلع الطعم بخاري ههههه
سويت سلطه
سويت زهره
واللي ماياكل رز سويت فاصوليا


رحت ع الالعاب اخذت سلايم وصلصال لخالد واخته
خالد فيه بوادر ذكاء بالحساب مو طبيعيه الله يحفظه


تفرجت ع مسلسلي وروقت
وكان ودي اسوي شاي
مع شيبس مستر كريبس اومرامي اعشقه
او بسكويت عادي
لكن دخلت المنتدى
اهم شي اشوفكم 🌹❤

يا حلوووو جوك

غششيني ويش مسلسلش
انا ما اشوف مسلسلات إلا على المزاج
مشتهيه اشوف مسلسل بس ما اتخطيت مسلسلي الي خلصته 😩💔

السفيره معجب بهذا

البعض يتابع الافلام التمثيليه ويطبقها خاصه في الحب وهذا خطآكبير قد يزرع عنده شك في شخصيته
عليك التمتع باالمشاهده دون التطبيق

السفيره معجب بهذا

هلا بالسعيدي منور اليوميات

يبي لي اعمل لك يوميات خاصه بالسعيدي


،،

السعيدي معجب بهذا

مساء الورد
تذكرت موقف صار لي قبل فتره قريبه
شفتوا عباره الدنيا داره
او اللي سويته يرجع لك ههههه
هذا حصل معي😵‍💫

رحت مره عند ناس عزيمه
ووصلت مع صلاة العشاء
طلبت سجاده عشان اصلي
وقلت وين قبلتكم
طبعا اللي رحت عندهم ناس امون عليهم
من أقاربي ،

حطت لي السجاده وشوي قالت لا لا
مو كذا القبله استني افكر وترددت
وقالت اعكسي وجات وضبطتها
قلت ايش مو عارفه قبلتكم انتم ماتصلون
طبعا بدعابه😅

يدور الزمن وناس يجون عندي قالوا قبلتكم وين
قلت لهم كذا شوي استعيد تفكيري اقول لا
اعكسي شوي قالت لي مو عارفه قبلتكم
انتم ماتصلون🤣


شفتوا كيف الدنيا دواره هههههع

وحصل موقف نفسه يوم الجمعه عند ناس
فالتزمت الصمت وماقلت انتم مو عارفين قبلتكم
ماتصلون ههههه عشان لإعاد يرجع لي الموقف 🤣

اعشق شي اسمه الريحان
كل ماجا الشتاء لازم ازرعه أنا بنفسي.

صار عندنا خوف وهوس من الشوراع
خاصه لمن نكون بانتظار او بحدائق عامه

البنات اللي ماتعرف تسوق مثل البشر
تجلس ببيتها ممعززه مكرمه ولا تجيب لها سواق
مو تدهس الناس وهم جالسين في امان الله
,,,
صرنا نخاف نمشي بالشوارع من قياده بعض النساء
اللي مافيها تحكم ولا سيطره..
ولا نلاقي فجاه واحداه طالعه ع الرصيف
وداهسه العالم وهم جالسين

مواقف يُندى لها الجبين من قيادة
بعض النساء
وصار الرجال يتحاشون يمشون بالشارع
واللي وراهم او يمينهم حرمه تسوق
يخافون تدخل عليهم فجاه!

فيه مقطع اخير عرض
للمراه توقف سيارتها بالمواقف العامه
وفجاه تطير سيارتها قدام من غير تحكم
في الفرامل وتدخل عالرصيف وخمس
حريم جالسات هناك
وتقضي ع حياة كم واحده منهم
ايش ذنبهم غير غبائك ياللي ماتعرفين تسوقين
اللي دمر حياتهم

..

انسان نادر معجب بهذا

ايش رايكم فنانه ولا مو بفنانه هههع

انسان نادر معجب بهذا

سوسو عليك مخالفه

وين يومياتك الرمضانيه 😒

السفيره معجب بهذا

المشاركة الأصلية كتبت بواسطة ميساء الحياه

سوسو عليك مخالفه

وين يومياتك الرمضانيه 😒

وراي أنتِ حتى هنا ههههههع
هلا ومرحبا بك ميس
احلا واغلى من ينور ♥️🤍

ابشري
رمضان غير غير غير
اجواءه غير
اكلاته غير
سهره غير
روحانيته غير

الحمدلله كل شي تمام لكن شغله كثير بالمطبخ ههههه
كله كرف .
لكن مأجورين إن شاءالله

سهرانين طول الليل نتسحر ع الساعه 3ونص او اربع
السحور كبسه او اكلات شعبيه
الفطور متعب جدا هههههع

بعد الافطار نشوف كم برنامج وبعدين نصلي العشا والتراويح
أنا أصلي بالبيت مو بالمسجد عشان الصغار وازعاجهم

بعدين شاي واي شي خفيف نأكله وحلا مع القهوه
اهم شي هههه
ادخل المنتدى احوس معاكم ونشوف الجديد
ونطمئن عليكم ونسعد بشوفتكم

بعدين تجهيز السحور
وقيام الليل

وننام بعد الفجر هذا المخلص الرمضاني
قبل امس رحت عند اهلي فطرت وتسحرت
كان من اجمل الايام قرت عيني بشوفتهم
واستنانست معاهم
وكان يوم مزحوم عندهم كل خواتي جو
عندي خوات كثير ماشاءالله
فرح وانس وسرور الاخوات الله يحفظهم
مر الوقت من غير ما نحس
الكبار يبغون هدوء واحنا رجه ونحتفل
برمضان هههههههه لكن مر اليوم
بازعاجه وجماله

...

الله يديم علينا وعليكم الراحه والانس والمسره



وبس ♥️🌹
هذا اختصار ههههع
ولا أنا متعبه ماختصر خخخخ

مساء الورد الابيض اللي احبه🤍
أنا أبي انافس ميس والنادر باليوميات هههع

زمان لي من هنا 🙄

اليوم صاحيه من بدري
واالجو عندنا اليوم روووعه
سيدة كل المدن مكه
غيم من اول صحبها إلى الآن
ومطرت علينا بزخات من الهتان

وطول الوقت في الحوش المكشوف السقف
نستنشق الهواء والهتان
ومشيت نص ساعه من الثامنه .
ولعبوا العيال باالاسكوترات الكهربائية
اللي شريتها من نون هههههه
وبعدين تحول اللعب إلى مضاربه ههه
شلت قشي ودخلت البيت واعطيتهم جوالات
افضل من المضاربات .
وفتحت المنتدى ودخلت اشارك
الغدا يوم الجمعه من برا بس أنا اسوي
شي بسيط مثل بطاطس مقلي سلطات

وباقي اليوم مانتهى عشان اكمله..🙄
مريت ع زرعاتي بالحوش واتطمن
عليها واسقيها مويه خاصه الريحان
إن شاء الله تمطر أكثر ومايحتاج اسقيها

الطقس يرسل لنا انذار إن بكره فيه
عواصف ع مدى ثلاث ايام
وشبهوها بعواصف عُمان الاخيره
الله يرحمنا برحمته
وتكون سقيا خير ورحمه
...

انسان نادر معجب بهذا

يوومك جميل يالسفيره مع تساقط قطرات المطر
الله يرزقنا ويرزقكم كل الخير

السفيره معجب بهذا