المستحيلة في عيونك يا بن بندر ممكنهْ

المناسبة/في يوم الثلاثاء 13/1/1428هـ حفل تكريم الدكتور هشام ناظره مدير الشؤون الصحية السابق بالقصيم ومدير الشؤون الصحيه بمنطقة الرياض الحالي
ويشارك فيه الشاعر ( محمد مريبد العازمي )
وذلك على شرف امير منقطة القصيم : صاحب السمو الملكي الامير فيصل بن بندر بن عبدالعزيز
وسمو نائبه الامير فيصل بن مشعل آل سعود

وذلك كونه احد منسوبي الشوؤن الصحية بمطقة القصيم

. . .

القصيدة

بدايةٍ من بـاب تقديـر المواقـف والجهـود
اللي تعم المنطقة ياسيـدي مـن كـم سنـهْ

وحنا بلدنا من صعود إلى صعود إلى صعـود
الارتقاء انشد عنه والعكـس لاتنشـد عنـه

ولاهي غريبة لفتتك تغنـي وطلعاتـك سنـود
والمستحيلة في عيونك يابـن بنـدر ممكنـهْ

ومواقفك يخسى ما يجحدها المنافق والجحـود
ينطق بها قلب المواطن قبل نطـق الألسنـهْ

وخيرك سحاب بارقة مشتب ويـدن الرعـود
تباشرت فيـه الفيـاض المحدبـة والأمكنـهْ

وعضيدك اللي سيرته من زعفران وريح عود
فيصل ولد مشعل ياسعد اللي يحطـه بأيمنـه

ياقف مواقيف الفخر ويحل صعبـات العقـود
والطيب لاقاده أبـو مشعـل يقـوده برسنـه

واللي دعينا له وحنـا بالركـوع وبالسجـود
أقفت خطاه ويا عسى له كل خطـوة بحسنـهْ

دكتورنا هشام من أرسى القواعـد والبنـود
أيضاً ونعمل بالوصايـا اللـي خذيناهـا منـه

هذا الهشام ولا على دكتورنا ابن سرور زود
أفضل خلف لأفضل سلف موجود عبر الأزمنهْ

والشاعر اللي لا دعوه بحفـل داره مايجـود
قولوا لا صـح الله لسانـك ولا صـح بدنـه

ومـادام حنـا للبلـد هـذا وحكامـه جنـود
الارتقاء ننشد عنه .. والعكس ماننشد عنـه

قصيده جميله اخي فتى الربوعه
تشكر عليه بارك فيك كل التوفيق لك

شكراً لك الفتى الذهبي على مرورك
العطر لك مني اجمل تحية

تسلم اخي الغالي قصيده غاية الروعه
تقبل مروري ولك تحياتي

فتى الربوعة
قصيده جميله جدا تسلم يمناك
يعطيك العافيه على الطرح الجميل
تحياتي لك

شكرا فتى الربوعه
سلمت يداك
صح الله لسان الشاعر المبدع( محمد مريبد العازمي )

لك تحياتي وتقديري

صح لسانك ولسان الشاعر
سلمت يمناك يافتى
تقبل ودي وتقديري

الف شكر لكم جميعاً على المرور العطر
لكم مني اجمل تحيه