يمه كبرت

يمّه كبرت وجملتك مرّت البال :

يابنيّتي هذا العمر لا يفوتك !


كوني الفرح كوني المحبة ولو طال :

حزنك عشاني إذبحيه فْـ بيوتك !


يمّه الوطن دمّر طموحي والآمال

ضمّيني أكثر رمّميني بصوتك !


محتاجتك لو صاروا عْيالي ارْجال :

عندك أنا طفلة ذراها فِـ كوتك !


الله ياهي دمعتك تنبت أجيال

منْها أتعلّم صبرك اللي بسكوتك !


ياحنيّنة حظي لو إنه معي مال :

برضاك عنّي ، دعوتك في قنوتك !


آطاول الأحلام وتخفّ الأهوال :

إنتي دفاي وقوّتي من ثبوتك !


الله يطوّل عمرك ويجبر الحال :

مااخاف الا لا تخيّلت موتك !
،،

لأم هي قسيمة الحياة وموطن الشكوى وعماد الأمر، وعتاد البيت ومهبط النجاة، وهي آية الله اللتي فيها وبها الجنه
لاغنى عن الام
كلمات جميله يسلموو ع هذا الاتحاف السوسن

الجمال في حضورك تميم
الله يعطيك العافية

الله يطوّل عمرك ويجبر الحال :

مااخاف الا لا تخيّلت موتك !

ابيات تحمل بين اسطرها اعذب المعاني
الام هي الحب الحقيقي في حياة كل انسان
عسى ربي يطول بعمر كل الامهات ويعطيهم الصحة والعافية

رائعة في اختيارك السوسن
كل الود والتقدير