ليش بعض الناس مافي بقلوبهم رحمه !!

السلام عليكم ورحمة الله وبركاته

حبيت اتكلم اليوم عن ظاهره واااااايد منتشره اللي اهيا حقوق الوالدين و بالأخص بتكلم عن الام


طبعاً كلنا نعرف فضل امهاتنا علينا
اهيا اللي تسهر على راحتنا لي مرضنا
تتعب لتعبنا و تتألم لألمنا
اهيا اللي حملت فينا و شالتنا في بطنها 9 اشهر
اهيا اللي كبرتنا و تعبت علينا
اهيا اللي وكلتنا .. اهيا اللي علمتنا .. اهيا اللي درستنا
و اهي و اهي ..إلخ لو بعدد أفضالها علينا ما راح اخلص والله

و كلنا ندري ان الجنه تحت اقدام الامهات


بحط لكم مقطع من اليوتيوب ابيكم تشوفونه والله عورت قلبي هالأم و صحت لما شفت المقطع

حبيبتي والله هالأم ماتت و اهيا مو شايفه ولدها 3 سنين
3 سنين و اهيا تبجي على ولدها
3 سنين و اهيا قلبها محترق ودها بشوفته او تسمع حسه
3 سنين و اهيا بروحها بالمستشفى لا يزورها ولا يسأل عنها


و ليش كل ذي !!

عشان زوجته عشان وحده ما تسوى شي .. عشان وحده ما تسوى ظفر امه .. عشان وحده ما تخاف ربها.. عشان وحده ما عطت احترام لأمه .. عشان وحده ما عندها ذرت انسانيه
هذا بدال ما تساعد ريلها على بر امه و تطيعها و تعدها مثل امها تسوي جذي


مو بس اهيا في واااااااااايد بنات غيرها يسوون نفسها و يمكن اكثر بعد

ما تعرفون ان كما تدين تدان !!
ما تعرفون ان الدنيا دواره و باجر بيصير عندكم عيال و بيسوون فيكم مثل ما سويتو فـ امهاتكم او امهات غيركم !!

ما تعرفون مدى غضب الله عليكم يوم اي وحده او واحد فكر ان يسوي جذي !!

مالت عليكم من رياييل تمشون ورا حريمكم مثل البهايم


ما سمعت حديث الرسول عليه الصلاه و السلام اللي يقول :

امك

ثم

امك

ثم

امك



ما تدري ان رضا الله من رضا الوالدين


والله ان في ناس يتمنون يشمون ريحه امهم



والله من فترة طرشولي مقطع وحده اسمها موضي متصله في الشيخ نبيل العوضي تقول ان محد واثق ومحد يدري ان اذا رجع البيت هل بيلقى امه او لا ! تسوي انا كنت رايحة المدرسة ورجعت امي متوفيه ! تسوي ليت الزمن يرجع عشان اخلي وقتي لها .. قالها الشيخ نبيل العوضي لو يرجع فيج الزمن لـ ورة شنو راح تسوين في امج تقول والله بس بقعد ابوووس ريولها واقولها شكثر انه احبج وان الدنيا ماتسوة بدونج

قسسسم بالله وانه انزل الموضوع عيوني دمعت ..


امي مرة كنه قاعدين نسولف تقولي تخيلي اييج واحد ورحتي في نصيبج ويقولج امج ماتروحين لها كل يوم قلت لها والله يمه لو اهي ليلتي اتطلق منه ..


والله اني ماعرف شنو اكتب زود ! لساني منربــــط
حسبي الله على كلمن عاق امه وابوه .. الله لا يوفقه



الموضوع مفتوووووح للأخرررررر المايك لكم

ودي ..

يعطيك الف عافية على مروورك الراقي

ومشكور على ردك الحلو

غاليتي سمراء
والله لو اننا نعمل بكل قوتنا لنرضي والدينا لن نوفيهم حقوقهم علينآ

نحن جميعاً مفرطون وأنا أول المفرطين لحقوقهم ولكن أسأل الله تعالى أن يجعلنا من البارين لهم
ولايجعلنا من العاقين


كم قصه سمعناها وشآهدناها في هذا المجتمع عن عقوق الوالدين
ولكن قد يكون الأبن عاق بسبب عوآمل كثيره جعلته يَعقَّ والديه

وقد يكون العقوق هو جزاء للوالدين من الله هم فقد يكونا قد عقوا اباءهم من قبل !!



ولكن " وبالوالدين إحساناً "

موضوع ونقاش ذو أهميه خآصه في زمننا هذا الذي كثُر فيه العقوق


دمتي

عليكم السسلام ورحمه الله وبركااته

مووضوع حلوو ,,بس وجهه نظري الموضوع مو حق نقااش لان الكل معروف رده ع ذا الشي

لان ماارااح تختلف فييه الأرااء

ومهما سوينا لامهااتنا مارااح نوفيها ولا ذره من تعبهم وسهرهم علينا

الله يجعلني وايااكم ممن يرضى علينا الله من رضى امهااتنا

تقبلي مروري

وعليكم السلام ورحمة الله وبركاته

بـــوركتي سمراء
لهذا الطــرح الرائع

ولــكن رايي من راي
هيبــة أنثى

ليس لنقاش فـ الااراء تكــون واحده لا أختلاف فيها

ورجل يرضى لأمه هـ الظلم
ارضا لـــزوجته

يـــكـــون ضعيف شخصيه
ولــو طال عــمري وأنا ارضي أمـي فديت ارض تمشي عليها

مابوفيها حقها وتعبــها

تقبلي فائق أحتـــرامي

هلا جميعا نورتم ي غالين..