نسيت أنساك

نسيت أنساك


جرحتك من ورى قلبي أبيك إتحس كيف أهواك...أبـيك إتحس بإحساس الألـم وشلون لا صابــك

أبيك إن جيت تتسلّى بـجرحي تـرتـجـف يـمناك...أبيك إن جيت تجرحني فقلبي تحسب حسابك

وراك أدمنت بجروحي و صـار الـجرح بي سلواك...وراك أدمنت بجروحـي مع إنّـي أصـدق أحبـابك

جرحتك ماحسبت إنِّك زعول وما حسبت إجفاك...وربي مـا قــصدت أفــتح منافـذ دمع فـأهـدابـك

رحلت وما رحل طيــفك يــراقـــبني بعـيد هناك...رفض يمشي معك مشتاقلي والشوق ماجابك.!

تعبت أنسـاك فغـيابك وأشـوف فـداخلي ذكراك...تعــب أظـحك على نفسي وقلبي مات فغيابك

وربــي كلّـــما ردّيــت قــلبي يــبتــدي طـريــاك...ضجيج الشوق يــزعجـني وقــلبي مـابعد تابك

تعال أفتح لك ظلوعي تِحط الجرح بـي و أفـداك...عشـقت الجرح بحظورك لو إنِّي حـــيل بشقابك

نسيت الجرح فـغيـابك و لكنّي نسيت أنـــساك...تعـال و كمـّل جـروحك فقـلبي وهدّي أعـصابك

سلمت يمناك وصح لسانك ولسان الشاعر
تقبل تحياتي وتقديري

ابوسفيان
سلمت يمناك قصيده روعه
لاعدمنا جديدك تحياتي لك

مشكورين على مروركم
ولكم تحياتي