يالبارق

كلمات /سعيد الشواطي
يالبارق.

يالبارق اللي كل ما خيــــلته ابتعد -- قلبي فداك الكون من هجرانك ارتعــد --
ما كنْ لك نظر -- في خافـــقٍ يسكن بجنب الما وبه ضـــما . .

اكذب على قلبي واداري الحزن بالسعد -- واقول للـــعذال خلي م أخلــــف الوعـــد -- من قبل أجي حضر -- اضحك على غيري واقول ان حُبنـا سما . .

أرخصت كلي لك وتجي تقول وش بعد -- الله حسيبك صار نبضي يشبه الـــرعد -- حظرتنــي حظـــر -- واتلفت حُــبْ مـــات في صغره ولا نمـا . .

من قبل لو طـــروك قــام القلب واستعد -- واعلن خضوعه لك ولا كابر ولا قــعـــــد -- قد كان يحتضـــر -- واليـوم ما يرجاك لو صاب النظر عما . .

والله قصيدة قمة فالروعة
يعطيك العافية تميم ع النقل
طاب لي المكوث هنا

دورت لها الين طلعتها من تحت الارض ههههه
الف يسلموو ع المرور فزاع وهذي كلمات شيله اتحفتنا بها نسيم وراقت لي كلماتها ونقلتها

كلمات مؤثرة ومعبرة عن الشوق والبعد والهجر
الله يجمع الاحبة وكل غالي بغاليه ..
اختيار مميز
سلمت لنا ذائقتك المترفة
الف شكر وتقدير