قصيدة رائعه جدا ( الـحـضــاره غــيــرت فـــــي الـعــوايــد والـســلــوم)

قصيدة من أجمل القصائد في الشعر الشعبي


للشاعر الكبير عبدالرحمن بن بديع .........


الحضاره غيرت في العوايد والسلوم


مر تيار الحضـاره ورحنـا نتبعـه


وعزتيلي من ضعيف الروابع والعـزوم


ومن ظروف ٍ اجبرتني اصدق واسمعه


اعتزالـي واتكلـي ولا سـد اللـزوم


مادبل كبدي يكـون التمـدح فالسعـه


اعترضها فالسعه والنتيجه صـاد لـوم


وصار مثل اللي فقع نون عينه بصبعه


ياجماعه يلزم اللي هبد صـدره يقـوم


الكفوا لاما اعتزا فـي لـزومٍ سنعـه


يصمل الرجال لابارك الله في الرخـوم


وان نخاه اللي يبي منه نفعـه ينفعـه


العمر يمشي ويطوي ويـوم بعـد يـوم


وان قضا ماينفع الشخص جهد ٍ يجمعه


الجمايل دايمـه والمناصـب ماتـدوم


والكفو لو يندفن مااندفن ذكـره معـه


وان نصيت الطيّب اللي له العليا تـروم


وجهه وجاهه وحالـه ومالـه يدفعـه


لازهمته قال حاضر تريـح ومخـدوم


والردي حتى ولو قالها صـد ودعـه


الردي ماقسمه الا من اهـزال القسـوم


غير قالوا كان ماطاعك السوق فطعه


وواحدٍ يقدر ويجفـا مطاليـب القـروم


ياعسى شكله من الارض ربي يقطعه


والجمايل دايمه والمناصـب ماتـدوم


والكفو لو يندفن مااندفن ذكـره معـه

قصيدة جميلة جدا


بارك الله فيك

اخي ابو مسلم

لاعدمنا جديدك

جميييييييييييييييييييييييييييييله جدا صح لسان الشاعر وسلمت يد الناقل

سلمت لنا يالغالي
نقلٌ مميز
عظيم الود
تحياتي

أخواني الأوفياء


شرفني مروركم ومشاركتكم وتعليقكم


بارك الله فيكم