شعور يوجع القلب

ترى مو العيب الانسان يبكي عشان شخص حبه ترى كلنا بشر وكلنا عندنا احساس ومشاعر مو شرط اللي يبكي يكون ضعيف لا والله مو ضعيف لكن قلبه هو اللي ينجرح ويتألم وماحد حاس باللي فيه غيره وترى مو اي شخص يبكي على اتفه الاسباب تسمونه نفسية انتو كذا تقولون لأنكم م حاسين باللي جواته يمكن كان من مده يكتم في نفسه وينجرح ويتألم وساكت ويوم جاء سبب تافه انفجر يبكي لأن الانسان مو معدوم معدوم من المشاعر ترى الانسان كله احساس واذا مات فيه الاحساس هو راح يموت عرفتو يا بشر ان اللي يبكي قوي لأنه كتم لين نفذ صبره وقامت تنزل دموعه بدون ما يحس فيها ومرات بتحس ان رغبتك في الحياة انعدمت ,حماسك اختفى, مشاعرك ضاعت, اصحابك اختفو, احبابك انسحبوا, صرت لوحدك, وفي قلبك اشياء كثير بس تضحك وماتبين ان فيك شي,يجيك صديقك يبكي تشوف وش فيه وتسمع له تقعد معه لين يرتاح ويضحك تجلس لوحدك اللي مهتم بيسأل واللي مو مهتم ما يسأل تشوفهم يضحكون وانت تبتسم وهم مبسوطين ماتبي تخرب عليهم, تحسك مخنوق تبي تبكي وتسكت ولاتوضح لهم شي ابدا ولا كأن فيك شيء تسكت وتسكت وتسكت بعدين تنفجر بسبب شي تافه وفي الاخير انت النفسية وكل شي ! يعني شي يوجعك يحسسونك انك شي رخيص انت عادي تبكي تختنق تتضايق, شعور يوجع يوم تتعلق في شخص تقوله وش يصير معك طول اليوم تقوله من ايش متضايق من ايش تبكي وتضحكونمع بعض ويروح من اي سبب ويتسرع ومايفكر بالوجع اللي تعيش فيه مايفكر قد ايش تتعب قد ايش تبكي شعور يوجع يوم تبكي لوحدك تتضايق لوحدك مافي احد معك شعور يوجع لما يتغيرعليك احد من اصحابك وهو كان كل شي بحياتك تفضفض له ترتاح له لازم تطمن عليه كل يوم ما تخليه يتضايق او يبكي بعدين يروح قد ايش هالشعور يوجع يكون فيه شخص من روتين يومك وفجأه ظروف تبعده ويمكن ظروفك انت تبعدك عنه لمن تجيك هذيك الضيقة اللي توجع قلبك وتحاول تنام ويصير قلبك يوجعك اكثر وتضيق انفاسك من شخص تحبه, شي يوجع بس تعرفون ذيك الصدمة اللي تخليك تفقد ثقتك بالكل؟ ايه اللي تخليك كل مادخل شخص بحياتك تستفتح عليه لا انا مستحيل اثق بيوم فيك! لأني انخذلت من غيرك مره ومرتين وثلاث؟

مشاعر نبعت من القلب وكل حرف يروي نزفات الالم التي يعنيها الحرف الذي قبله كلنا لم نسلم من الالم وجرعات الفراق القاسيه وقضاء اوقات من اعمارنا مع اناس
نعتبر ذالك الوقت خساره من اعمارنا قضيناها معهم لاننا لم نعرف حقيقتهم الا بعد فراقهم
ولكن الالم هو بقائهم ضمن ذكرياتنا التي نستلذ بألمها دائماً


ولكن الافضل هو جعلها عقبه تعلمنا وتجعل منا قوة بدل الضعف


اعتذر لقد اسرفت ف التعبير وبدأت انصرف عن صلب الموضوع


اشكرك على مشاركتنا تلك المشاعر الصادقه والتي قد تكون شرحاً لذكريات البعض


تقبلي مروري

كل الشگر اختي ينت خولان ع ابداعگ

دمتي بكل خير

يعطيك العافيه اختي بنت خولان
بووح رااقي بمعناه
لاعدمناك

بوح راقي جدا

شكرا لك