بياض اشتياقي

من ساحل الشرق, موج الشوق يجرفني
=طول المسافة يهون لخاطر عيونك

حظي وقف, يوم في مرساك وقفني
=وغيري ملايين يقصر حظهم دونك

جيت أعترف بالخطا, وأرجوك تنصفني
=ومن قبل تحكم علي, فكر على هونك

زماني, أجبرني أخطي وأنت تعرفني!
=قل لي, وش علاج وقتك لأخلف ظنونك؟!

زماني اللي بما لاطيق كلفني
=من حر رمضاه جيت" لفية جفونك"

مليت بعدك , و "نــاي" الضيق يعزفني
=خذني بقربك, وقسمني بــ "قــانونك"

أحس حزني, لأجل ترضى يكتفني
=تكفيك عامين حزن بعمر مسجونك؟!!

أطلق سراحي, ورتبني, وصنفني
=واغسل ذنوبي بعد ما تبت بـمزونك

حظي بعد غيبتك مايوم حالفني
=معقول, يكبر معاك ويرجع يخونك؟!!

حتى خفوقي, رحل يمك وخالفني
=أتلى العهد به, بعد ما شدت طعونك

جيتك, وجرح الغياب المر ينزفني
=ماظن, تبخل بترياقك, لمطعونك

جيت, وبياض اشتياقي لك يغلفني
=أبيك تعطي حياتي شي من " لونك"

مادام الآمال مالت يمك, أقطفني
=هرج العواذل "شتاه" أتعبني بدونك

ومادام وقتي بفن الحزن ثقفني
=أوعدك ماخلي أحزانك يدلونك

أخاف تبكي, من الضيقه, وتذرفني
=وأنا ملاذي الأخير" بفية جفونك

مما راق لي / تحياتي واشواقي

من ساحل الشرق, موج الشوق يجرفني
=طول المسافة يهون لخاطر عيونك

ابيااات جميله

سلمت يداااك على النقل المميز

تقبل مروري الخفيف في صفحتك

يسلمو يافتى
انرت الصفحه
حياااااااااااك خيو

كلمات في قمة الروعه
يعطيك العافيه
بنتظار جديدك

الروعه هو مرورك عزيزتي ( كيوت)
دمتي بخير

يعطيك العافيه
أبيات ولا أروع
الذوق الرفيع كلك ذوق رفيع
تقبل مروري واجمل تحيه

الذوق الرفيع قصيدة رائعة الله يعطيك العافية
وتحياتي

جيت, وبياض اشتياقي لك يغلفني
=أبيك تعطي حياتي شي من " لونك"

ابيات روعه سلمت يداك الاخ الذوق الرفيع