دمه ثقيل !

بعض العرب دمه ثقيل
كنك معه في مقطعه

اثقل من جبال السراه
وشعابها المتفرعه

اللي يبي تكفير ذنب
يجلس ربع ساعه معه

الثانيه في حضرته
مثل سنه في قوقعه

تضيق بك وانته معه
كل الجهات الأربعه

موهوب في رسم الطريق
للضيق من عقب السعه

ومن ثقل دمه يعتقد
مواهبه .. متنوعه

ليا ضحكت مجامله
يفكر انك تشجعه

ان قلت عاقل محتمل
. وفيه احتمال انه امعه

بس الأكيد ان الحظيظ
مايبصره ..ما يسمعه

لو تحذفه وسط البحر
يجيك بكره يدفعه

ويقول انا لاأستطيع
ان اهضمه .. ان ابلعه

شوفه يسبب لك شعور
. ان الحياه مروعه

وان الليالي مقفيه
وان السنين مودعه

وان الطيور الطايرة
لابد يوم موقعه

وان النهاية مؤسفه
تحت تريله مسرعه

لو تذكر اسمه عند ذيب
تجيه اعاقه ف أربعه

على الهوا يعطي دروس
.وقتك شلون تضيعه

هو مخترع سم الكبود
.ومورده من مصنعه

ويحط لمساته عليه
.ويغلفه .. ويوزعه

أشك في ثقب الأوزون
انه تسبب وفقعه

وانه سبب حرب الخليج
. واساس كل الزعزعه

ويمكن لو انه يلتفت
. للنيل وقف منبعه

ولو يلتفت يم القمر
يمكن يغير موقعه

جلسه معه وهو نشيط
ياعنك ما هي ممتعه

امه خذت مقلب كبير
. ترجي وراه المنفعه

الله يفكها من بلاه
ولاّ انه عنها يقلع

تعلمه كيف الأصول
ان طاع ولا تصفعه

الناس ماهي فاضيه
للشوشره .. والقرقعه

____________ تمت ______________

م ن ق و ل ../😂

هدوء المساء ,ايلاف معجبون بهذا

اللي يبي تكفير ذنب
يجلس ربع ساعه معه

الثانيه في حضرته
مثل سنه في قوقعه

تضيق بك وانته معه
كل الجهات الأربعه

ايه والله بعضهم كذا 👍🏻😁

صح السان قائلها وسلمت يمينك غلاي
وكل الشكر لك
على اختياراتك المميزة
وتقديمك لمثل هالاطروحات
الله يعطيك العافية ،
🌸🌿🌸🌿🌸🌿🌸

يا ساتر
الحمدلله وانا مو شاعره
كان تحملت ذنوب
ههههههه
استغفر الله ياربي

مع احترامي لشعراء والشعر
بس مايخلون شي ماشاء الله
إذا ماعجبهم شي ذموه بطريقتهم
وعاد شوفي إذا حبُ🥰
مافي احلا منهم😅


يعطيك العافيه ندى
ودمتِ ودام تألقك
💐

أضحك الله سنك
طرحك جميل.. سلمت أناملك
لك ودي