عيد ميلاد سعيد Happy birthday

* *سلام كيفكم راح ادخل الموضوع دغري بمحادثه من وحي خيالي يالله انزلوا تحت لا تنسون تسمون . جاني الشيطان وقال يا بنت متى تاريخ ميلادك و فلان نسوي كيكه ونحتفل طبعا انا قلت لا تف تف اعوذبالله من الشيطان الرجيم كل شي الا اني اسوي كذا قال الشيطان يا بنت الحلال عادي شوفي فلانه قريبتك سوت فلانه متحظره وانتي راجعه ورا ريوس صرنا 2022 وكمان فلانه سوت تذكرين حفلة شفتيها بالسناب في مطعم هذيك حفلة ميلاد سوي زيها واحلى ونزليها سناب قلت لا اعوذبالله حرام قال الشيطان لا بالعكس مو حرام عادي انتي اذا ما تبغين تحتفلين بالميلاد احتفلي بمناسبه دخول السنه الجديده >>>> الشيطان قاعد يزين لي الفكره بطريقه حلال يعني الناس كلها تحتفل بالسنه الجديده ميلادك نفس الشي لا تعتبرينه ميلاد اعتبريه تهنئه بمناسبه انقضاء سنه ودخول سنه جديده وما زال الشيطان يزين لي ويتحايل علي حتى اظن انه حلال وماعلي ذنب انتهى الحوار ومن هنا نبدأ موضوعنا كلنا نعرف اننا بزمن لما نشوف فلانه سوا او فلان سوا لازم نسوي احسن منه بمعنى البعض صار يتنافس حتى لو كان الشي المتنافس فيه حرام مثل اعياد الميلاد واعياد الام والاعياد المحرمه كلنا هنا نعرف حكمها ما يحتاج اجيب الفتوى واقصها واحطها امام ناظريكم وانتوا يقينا تعلمون بالحكم ومطلعين بعض الناس يعرفون بالحكم ولكن ..مع ذالك يسوون هذا الشي بحكم هاه قاعدين نسلك لعيال الجيل هذا ): مساكين عيال الجيل هذا اذا محد علمهم الصح من الغلط اذا ما نصحنا وحذرنا اطفالنا ورهبانهم في خطورة الاشياء المبتدعة وامها تشبه باليهود وانصارى ماعندنا الا عيدين عيد الفطر والاضحى والادهى تلاحظون الناس اذا جا العيد البعض يحتفل والبعض ينام ويترك هذه الشعيره الي احلها الله لنا بالاحتفال والمعايدة والسعاده والضحك والسرور تجدون بعض الناس يوم العيد منهم من يتشكى ومنهم المتذمر ومنهم الي في عالم اخر مناسبه حلال وانتوا في عالم اخر ولما يجي مناسبه محرمه زي عيد الميلاد الواحد ما يدري من وين يبدا ومن ينتهي من حجز مطاعم وكيكات وتبذير وتصوير وتفاخر وفشخره بس عشان ايش عشان فلانه تتابعني وابغى تشوف عشان اقهرها ولا ابي فلانه تشوفني عشان تعرف اني متفتحه واعرف وش اسوي لعيالي لا حبيبتي اذا تشوفين الي تسوين بهذا الطريقه ف تفكيرك وعقلك في انحدار والله يعين اطفالك على تربيتك لهم. هل اذا تفكيرك كذا تظنين بانك نعم الام والمربيه ؟ هل اذا تفكيرك كذا يا الاب تظن انك الوالد المربي الي ما بعده ؟؟ هل ترضون ابناءكم يتشبهون باليهود والنصارى بحجه انه هذا جيلهم وبحجه انه ليس ميلاد او سنه جديده لا يوجد تحايل على الله قال تعالى (ويمكرون ويمكر الله والله خير الماكرين )) من عاش بالمكر مات بالفقر ومن عاش بحسن النيه انقذه الله من كل بليه الموضوع بقلمي وكتابتي الاثنين 10 اكتوبر 2022