صيحوا عند أبوكم لا تصيحون عندي .. نقاش

من شويه سمعت قصه مستفزززززززززه
و على طول جرب عشان آخذ رأيكم فيها


تقول صاحبة القصه
معرسه من عشرين سنه و عندها 7 أولاد
و من عرست ما صرفت ولا درهم علي البيت
و عودت زوجها انه يتحمل كامل المسؤوليه و يتحمل كل مصاريف البيت

و هي ما كانت موظفه كانت تأخذ مصروف من زوجها
و قبل سنتين توظفت و راتبها فوق 25 ألف درهم

لكن شرطت على زوجها ما يوقف المصروف عليها
و ينزلها اياه كل شهر

و راتبها الكامل كله لها و مالها دخل بمصاريف البيت

و طبعاً زوجها المحترم وافق و ما قال شيء

و في يوم من الأيام طلعت هي و عيالها السوق
و اشتروا عيالها الي يبوه

و جات بتدفع ببطاقه زوجها البطاقه مرفوضه
اتصلت فيه قالت له حولي حساب عيالك 5 الآلاف
و قال تمام و جربت تدفع بعد 5 دقايق

و البطاقه انرفضت
اتصلت فيه
قالها ما عندي فلوس ادفعي من عندك و برجعها لك

هي رفضت وقالت مالي دخل
و ركبت عيالها السياره و هم يبكون


عيالها قاموا يبكون و يحكوا لها ماما انت عندش فلوس
ليش ما تدفعين
قالت لهم روحو صيحوا عند أبوكم لا تصيحون عندي
و هو رجال البيت وهو مسؤول عن هذي المصاريف موهي





طبعاً الاراء تحت القصه تضاربت

حد يقول إنها بخيله

و حد يقول انه فلوسها و من حقها





شرايكم انتم
طنشوا أسلوبي الجديد ما استفتحت لكم الطرح بخاطره 😔

انسان نادر ,السعيدي ,السفيره معجبون بهذا