تطنيـش الصديـق

ياهاجسي طالبك ساعدني على نظم الحروف
واجلب لـي ابيات ألقصيد إللي تشد الإنتباه

أبظهِر إللي في وسط صدري وفي قلبي يلوف
ماهو طرب إلا من الجور الكبير إللي غزاه

شربت من كاس ألمراره والتعب عِدة صنوف
واشلت حِمل أكبر على متني من إجبال السراه

كله على شان الصديق إللي حسبته لي شغوف
لكـن تناسانـي وقفـى يـوم حصـل مبتـغاه

وقفت في وجه السنين الغابره من دون خوف
وارخصت كل اللي غلي وآقول ياجعله فداه

أعطيته إللي يطلبه مني ولا الحقه الحسوف
من يوم هو طفل(ن)وانا واقف معه حتى صباه

مانـي بنادم لا وربي دام سـويت امعروف
من قدم المعروف من رب الملا يلقى جزاه

اتجاهـل ألغلطة واعديـها واخليـها تطـوف
ومن شان مااخسر بعضنا أحيان أغير الإتجاه

الوقـت ربانـي وعلمنـي علـى كل الظـروف
وحفظت درس(ن) لو كتبته كان يُذهِل من قراه

كنت احسب اني يازماني عالمخاطر فيلسوف
وكنت اقول اني على صبري من اكبار ألدهاه

لكن تطنيـش الصديـق إللي حملته عاالكتوف
لقيتـه أكبـر ظـرف قاسيتـه علـى مر الحــياه


ابوخالد

ام هتان ,ايلاف ,السفيره ,هدوء المساء ,هوس معجبون بهذا