نفسي عفيفه ما تبي شي مكشوف

نفسـي عفيفـه مــا تـبـي شــيّ مكـشـوف

__________________________________

نفسـي عفيفـه مــا تـبـي شــيّ مكـشـوف

مـــا تشـتـهـي شـــيٍّ يـنـافــي لــلاســلام

لــوّ الـزمـن يقـسـى متـاهـات وظـــروف

مـا خالفـت نـفـس الـزكـا عـهـد الاشـيـام

تمنـعـنـي الشـيـمـه ويبـعِـدنـي الــخــوف

مــــا طــبّــت دروب الـرديـيِّــن الاقــــدام

كم صنـت نفسـي مـن هـوى كـل ملقـوف

شـــيٍّ يمـيّـزنـي عـلــى مَــــرّ الاعــــوام

وكــم رغـبـةٍ حطّمتـهـا تـغـري الـشــوف

وأعطـيـت نفـسـي قيـمـةٍ فــوق الاقـيــام

ذا شــيّ عـنّـا بـيـن الاصـحـاب مـعـروف

تـشـهـد بـــه رجَـــالٍ عفـيـفـيـن وكــــرام

ما اصير في وضع ٍ مـن العيـب مكتـوف

ولا اعيـش عمـري فـي دهاليـز الاظـلام

طـافـت سنـيـن وبـاقـي العـمـر بـيـطـوف

والـلـي كسَـبـتـه خـطّـتـه روس الاقـــلام

شــيٍّ تركـتـه لأجـــل مـــولاي مـخـلـوف

لا بُــــدّ مــــا تـظـهــر حَـسـانـيــه قـــــدّام

ما طاف طاف ولا على الماضي حسوف

إلاّ عــلـــوم ٍ كـلــهــا طِــيـــب وانـــعـــام

عَـهـدٍ قطَـعـتـه فـــي مـواثـيـق وحـلــوف

مـــا ينـقـضـه طـــول اللـيـالـي والايــــام