بنت الشجاع يجي ولدها كما الذيب

بنت الشجاع يجي ولدها كما الذيب...

___________________________

ذيب عوى وانا على صوتـه اجيـب
ومن ونتي جضت ضواري سباعـة

عزالله اني جاهل مـا اعلـم الغيـب
والغيب يعلـم بـه حفيـظ الوداعـة

يالله يـا رزاق عكـف المخالـيـب
يا محصـي خلقـه ببحـره وقاعـه

تفرج لمن صابه جـروح معاطيـب
وقلبه من اللوعات غـادي ولا عـة

إن ضاق صدري لذت فوق المصاليب
ما نيب من يشمـت فعايـل ذراعـة

صار السبب مني على منقع الطيـب
ونجمي طمن بالقاع عقـب ارتفاعـه

ياطول ما هجيتهـن مـع لواهيـب
ولا ني بداري كسرها مـع ظلاعـه

(ويا طول ما نوختها تصرخ النيب )
وزن البيـوت اللـي كبـار رباعـه

وأضوي عليهم كنهم لـي معازيـب
إليا رمـى زيـن الوسايـد قناعـه

أضوي عليهم وأتخطـى الاطانيـب
وآخـذ مهاويـة الجمـل بأندفاعـة

أبا أنذر اللي من ربوعي يبا الطيـب
لا ياخذ إلا مـن بيـوت الشجاعـة

يجي ولدهـا مـذربٍ كنـه الذيـب
عز لبـوه وكـل مـا قـال طاعـه

وبنت الردي يا تي ولدها كما الهيـب
غبـن لبـوه وفاشلـه بالجمـاعـة

ياكبر زوله عنـد بيـت المعازيـب
متحـريٍ مـتـى يـقـدم متـاعـه