ليلة القدر

ليلة القدر ..

يقولون الشهر روّح واقول إنّـه بقـى ليلـه
بها ينزل إله الخلق يسمـع دعـوة الداعـي
نـزل فيهـا كتـاب الله بمحكـم آي تنزيلـه
على سيد البشر للناس ينقذ جهل الاوضاعـي
وبها ينزل ملائـك يكتبـوا للعبـد تسجيلـه
اجل وارزاق واقدارٍ بأمـر الخالـق الراعـي
سلامٍ طول ذاك الليـل نـورالله يوضـي لـه
ومع الاصباح شمس الكون نورٍ دون اشعاعي
الا وينك ياعبـد الله كفـاك العـذر والحيلـه
ترى فرصتك هالليله مدام إن العمر ضاعـي
تعـال وكمّـل صيامـك بتكبيـره وتهليـلـه
تعال اطلب من اللي باب رزقه مشرع اشراعي
تعال وكفّـر ذنوبـك كفـى بالنـوم تطويلـه
تعال اقرب من اللي ما يبيك لزود الاطماعـي
ترى دنياك لو ضحكت وموتك طـال تاجيلـه
مصيرك راحل عنها ذهاب ما بـه ارجاعـي
الى دنيا الخلود وكل مـن يرحـل وتحصيلـه
الى الجنّه او النيران بـلا جـاه ولا اتباعـي

وســــــــــــــ لامتكم