قفل الهوى

------------قــفــلـ الهــوى--------------
نظمت فيك الشِعر ومازلت ابي البوح
ماحيلتي الا هو بالاشواق ازفه

يامرحبابك طيب اخلاق و مملوح
قاسمتني قلبي يوم اقبلت نصفه

في ضلمة اليل الشقي جيتني وضوح
سراج طهر و يوقده زيت عفه

مجروح يامزيون والتم بمجروح
اعمى و يبيله من يقوده بكفه

دله لطريقه حتى يفداك بالروح
و جمر الغضى في خافقه بماك طفه

و البعد لا تطريه ما منه مصلوح
ان مر في بالك على جنب صفه

ياعطرك الي لا بدا ريحه يفوح
يقوطر لعابي و ارتجي منك شِفه

تعال في حضني تبي تضمك الروح
ودي بحماك اخذ و بالهون لفه

بيتك بنيته جاهز جدار و سطوح
لا تخاف مافي داخله غير غرفه

معزولةٍ ما يُسمع بحجرها النوح
وعيون معشوقك لها تصير شُرفه

و لا تكسري قفله ترا الباب مفتوح
الي يبيله كلها بس دفه
------------------------------------