قصيده لا تقطع أرحامك

[SIZE="a"]لا تقطع أرحامك و يشملك الوعيد،،،
ولا تخسر الغالي و لا ترخص غلاه

و أخوك لا تخسره ولو إنه عنيد،،،
يخطي مئة مره و يرجع عن خطاه

و انكان شد الحبل حاول ما تزيد،،،
إرخيه قبل الشد يوصل منتهاه

ولا تنصحه وقت الزعل ما يستفيد،،،
و اعرض عليه النصح في ساعة رضاه

و اليا طلب رأيك عطه رايٍ سديد،،،
و ان ما طلبك الراي لا تبحث خفاه

و اعرف ترى قرب المنازل ما يفيد،،،
و احيان يبدي شي ما ودك تراه

لكن لا تقرِّب و لا تنزل بعيد،،،
خلك على قول المثل حذفة حصاه

و احفظ حبال الود حفظك للوريد،،،
اللي معلق فيه موتك و الحياة

ترى الأخو مهما حصل يبقى عضيد،،،
و ترى عيال العم ما عنهم غناة

الناس دايم ما تهاب اللي وحيد،،،
اللي ليا منه وقف محدٍ معاه[/SIZE]