الله يرحم كل غالي فقدناه

في كل لحظة نمسح ارقام غاليين

احدن خذاه الموت واحدن نسانا
والوقت مايمشي بحسب القوانين
يمشي على عسر الليال ووطانا
كم من عزيزن فاقدينه له اسنين
قفت به ايام الليال وجفانا
وكم من عزيزن ندفنه بين قبرين
قبر الفراق وقبر دمعه حدانا
الله من دنيا تسارع على الشين
فرت علينا لين باحث خفانا
غير المفارق ماجنينا بساتين
ولاجت لنا الدنيا على مشتهانا
غير التعاسة سابقه دمعه العين
تكتب على وجيه الليالي عنانا
والوقت مشانا على حد سكين
نبغاء نروم وثم قصرت اخطانا
وقتن تغير فيه حتى الرياحين
حتى الليالي بالفراق اتحدانا
نمشي وحنا نضرب ايسار يمين
ونشوف الزمن بوجيه الاجواد شانا
والعبد عمره يوم ولاثمانين
لابد مابه يوم يسمع عزانا
والله يصبر بفقد المحبين
اللي بعدهم قام يضلم سمانا
اهل السطر ننثر لهم دمعة العين
لو المنايا مقبلة من ورانا
والوقت شيبنا وحنا صغيرين
ونشرب وعيا لايفارق ضمانا
ولو الحزن يرسم بوجه المصابين
شفتو بوجهي مايبيح خفانا
ولو نكتم العبرة ماودنا تبين
عيت دموع العين تسمع نبانا
ويالله يلي خالق الناس من طين
تحسن خواتمنا ليا جاء منتهانا