نصائح طبيب مصري لحواء

نصائح طبيب مصري لحواء
" اهتمى بنفسك علشان محدش فاضي لك "

- كلي كل يوم علبه زبادى علشان تقللي من الفطريات المسببة للالتهابات .

- اشربي ينسون علشان يزوّد هرمون الأستروجين وصوتك ينعم وبشرتك تتحسن وتزيدي أنوثة.

- اشربي زنجبيل علشان تبقى ريحة عرقك حلوة.

- امضغي دايما عودين بقدونس علشان ريحة نفسك تكون أحلى.

- كل يومين حطي معلقة زيت زيتون على كوب عصير أي عصير واشربيه علشان جسمك ينعم بسبب الفوايد اللي في زيت الزيتون.

- اشربي دايما حليب قليل الدسم علشان يمدك بالكالسيوم وحطي عليه 20 نقطة من ڤيتامين د .

- اللي بتاكل العلب المحفوظة والمعلبه والتونة اعرفي إنها مليانه مواد حافظة هتجيبلك زهايمر بدري.

- خففي من السكر الأبيض علشان بيخلي تجاعيد الوش تظهر بسرعه.

- بطلي تتخانقي مع جوزك علشان هو بيتخانق معاك من هنا ويروح يسهر مع صحابه وانتي تتخانقي معاه من هنا وتاعدي تتنكدي وتاكلي في روحك لحد ما ييجي.

- اشربي القهوة مع الشكولاته المرة علشان تحسي بقيمتك شوية وبلاش كل مرة تشربي مشروباتك باردة علشان بتعمليها وتنسي تشربيها من جريك طول النهار ورا العيال.

- زودي من شرب الميه علشان بشرتك تتحسن وماتكونش مجهدة.

- خدي كل يوم حبة فيتامين سي فوار على نص كوب مية علشان تنور بشرتك.

- كل 3 أيام خدي على الريق ملعقة عسل أبيض على كوب مية وبعد ساعه افطري.

- خدي بالك انتى مالكيش قطع غيار ومحدش هيسلفك صحته ولو حتى عيالك نفسهم.

" اهتمى بنفسك علشان محدش فاضيلك "