عفت الغــــــــــــــلاا..

عفت الغلا .. عفت الغرآم ورواجـه
ودرب يوديني على باب بيتك

تبيعني فسوق الغياب .. وحراجـه
وآنا خسرت العمر .. حتى شريتـك

ضحيت لكن تضحياتي .. سذاجـه
وانا احسب اني .. فالغرام اهتنيتـك

لو آن يدي تحتاج .. وتصير حاجه
بقطع يدي وآموت .. ولا رجيتك

حلاك صاير في عيوني سمـاجـه
وغلاك ما يشفع .. ما دامي لغيتــك

شربت من ضيم المعاتب .. هماجه
وغفيت فيك .. وليتني ما وعيتك

لو قلبـي مجـرح .. وعندك علاجه
نصيت كل النآس .. ولا نصيتــك

القلب كنت انت .. السبب فـ ابتهاجه
واليوم صرت انت .. السبايب بكيتك

امسيت .. ما ابغي من ورى الناس حاجه
وآصبحت .. متحسف على اني جنيتك

حكرت شوقي وسط .. عنق الزجاجه
واهلكتني ضامي .. وآنا قد سقيتـــك

بكره ليا هبت عليك . . العجاجـه
ونسوك خلآنك .. لا ترجع فديتـــك

هدمت عرشك ووآنسكر عــز .. تاجه
وانا قرصت اذنك . . وياما نهيتــــك

يذبحنــي .. إنك شخص علـى مزآجه
ويذبحنـي .. انك يوم تطلب عطيـتك

كنت آحسب انك .. للمضيع سراجه
وآثرك ليـل .. ليتني ما سريتــك

الى طلبتـك من غـلاك .. أنتـواجــه
سقت العـذر .. وتـروح ما عاد ريتــك

كانـك تحسـب إنـي أحبـك لـ حـاجـه
انسـى المحبـه .. وأعتبرنـي نسيـتك