بعض اشعار الشيخ زايد رحمه الله

برخص الغالي على شانك

مرحبـا مليـار بقبالـك يا سفر داري و الاوطاني
يا سعـادة من لفى دارك إلانالـي بـي الوزا باني
برخص الغالي على شانك لا تخلي حاليــه حانـي
خذنيه بالروف و احسانك و انصفينيه منك بوزاني
إسلبتني نظـرة اعيانـك و حت نومي ذار ما جاني
هـان ربي كل من هانك يا بصيري و مقلة اعياني
عز لي صـورك باحسانك فرد مالـك واحـد ثاني
بالجمـال و منطق لسانك صورك مـن حور لجناني
يك والجيون بهـا صانك والمباسـم ورد والـواني



يا خفيف الروح

يا خفيف الروح كيف انتوا يا شفا قلبي من اعواقه
ارحمـوني لـو تكرمتـوا بالوصل وانا من اشفاقه
مـر وقـت لي ولا بنتوا انتظر مـن طول افراقه
ارحموا ذا الروح لا هنتوا لي لكـم بالشوق تواقه
ما زهالي وقـت لو منتوا انت سعد القلب واشراقه
انتـوا اللي بي تملكتـوا بالرضا والطيب واخلاقه
ارحموا مـن به تحكمتوا مـن جفاه النوم ماذاقه
في سويدا القلب شيدتوا منزل ماحـد قـد فاقـه
بخفي اما بي اذا عدتوا لا يشيع السـد واشواقه
السواب اللي بيه صبتوا عالجـوها النفس معتاقه
غاية امنايه اذا جدتـوا بعدكـم لي نـار حراقه


إبسم

إبسـم تبسـم حياتــك يا قايـد الخفـرات والعيـن
عطاك ربـي لـك غناتك واصبحـت سيد في المزايين
هنيت يا سيـدي بصفاتك وانا غني بك " م " الملايين
كل يوم بي تكبـر غلاتك والقـاك دوم بعينـي تـزين
من بالحسن سيدي شراتك مثلـك فـلا قـد شافت العين
الشمس تخجل من بهاتك والبـدر لـك يا نـواره يدين
مثل العسل منطق شفاتك ذرب .. ومـوزون بمـوازين
والطيب من أصلك وذاتك اواضـح ولا يحتـاج تبييـن



هلا بنور الفجر

هلا بنور الفجر زاح الظلامي هلا بـه ألف ترحيبـه وحيـه
هلا به عد مـزن في غمامي وما هبـت نسيـم المطلعيـه
أقـدم له تحيـات وسلامـي جـواب يوم بـادر بالتحيـه
فهيم ويفهم الـ معنى كلامي لبيب العـود لفتاتـه ذكيـه
مهاه إيتـم إنسي وانسجامي بدونه حالتـي حالـه شقيـه
وحبي لـه تسبب في غرامي أنا راضي ونفسي له هديـه
تملكنـي وملكنـي بالزمامي و انا سلمت له بنفس رضيه
فـلا والله لـي مثلي يلامي و فعل الخيـر مايجزى بسيه
رعـاك الله يا ظبـي العدامي أميـر والغوانـي لـك رعيه
جديـر بكل حبي واحتـرامي و يكفيني متى ترضى عليـه




ان هويتونا هويناكم

شعر صاحب السمو الشيخ زايد بن سلطان آل نهيان
ان هويتـونـا هوينـاكم وبنتصبـر لـي جفيتونا
ما عرفنـا اليـاس وياكم ويـن بتسيـرون تلقـونا
مستحيـل ان كان ننساكم لـو تقصدتـوا تهجرونا
نهجـر الدنيــا بليـاكم دونكـم ع مري فلا ايكونا
نرخص الغالـي العينـاكم وكـل صعب الكم ايهونا
في الصحا والنوم ننصاكم لا تسدوا الـدرب من دونا
وفي الحشا والقلب سكناكم امشيدات اقصور وحصونا
نـور يـا مـن محيـاكم مثل نور الصبح في الكونا
انفـردتوا في سجايـاكم نادريـن الحسن واللـونا
لـو حسبنـاهـا مزاياكم يوصـل التعـداد مليـونا
شاف شرع الحب دعواكم والهوى له شرع مضمونا
عادل لـو كـان يـدراكم يالغضي لـي دوم مزبونا
وان طلبتونـا عطينـاكم وبا انزيـد الكـم اوزونا
وان طلبتونـا عطينـاكم وبا انزيـد الكـم اوزونا
لو اخذتوا الـزود يفداكم حبنـا متـوازن اركـونا





صوتِك الموُسِيقْ بالهاتِفُ لِفانِي




صوتِك الموسِيقْ بالهاتِف لِفانـي"" أوْ صْوَيْت الرّاعبي في الْموُسِمِيّة
ياِ ثليِِل العين لَيْ صُوتِك سِبَانـي"" ياعِويدالموزفـي بَكـسٍ غِنِيِـهّ
يا خِفِيف الروُح يا سِيْد الغِوانـي""بيـن كِـلّ الخُودفايِزبالمِـزِيِـهّ
السِّجايا اُوْخَاِطرٍ لِـك مِرْحَبانـي""والحَلاه في الطّبع والنَّفْس الزّكِيِهّ
طَيِفكْ الشَّفَّافْ في نُومي ظِوانـي""ما يفارجني صِبـاحْ اوْلاَ مِسِيِـهّ
كامِلْ الأوصَاف في فِكري اوْذِهاني""أنتِظِر شُوفِك كما عِيـد الِضّحِيّـه
وِانْ سَأَلت اليُوم يا مانع إشياني""أنَّي المِشتاق الْ حِلْـو الِسّجِيّـهِ
بي اِفراق الخِلّ لي حِبّـهِ كِوانـي""قَبِل لا اشُوفَهْ في حِلّـهِ أو زِيّـهِ
لي سِكَنْ في اليُوف وامشَيِّدِ مَباني"" أوْ حَاطِها بأَسْوار في قَلبي عِليِّه
ذاك يللَّي بي اوسَجَّلْتِه أوْ عَانـي""للِحبيـب إِمسَلِّـمٍ وادّيِ التّحِيِّـه





حبكم
حبكم وسط الحشا سادي,,,,,, لو جبل ما حمله كله
ويل منه مثله فوادي,,,,,,,,,, كان طول الوقت قد حله
جيت مثل الشمس متنادي,,,,, يا شفا روحي من العله
روف بن يافض لنهادي ,,,,,,,وارحم اللي منك في مله
يا عجيد اريوم لبلادي,,,,,,,,, ياسفر هذا الوطن كله
الجدم لن نش مهادي ,,,,,,,,,,مثل بزغ العيب في حله
آه يا من بده اسهادي,,,,,,,,,, مره ليله ما غضى كله
يا حمد عوقي انا زادي,,,,,,,, نشف ريحن ماشي يبله
نيبني يا نسل ليوادي ,,,,,,,,,,وانت تعرف لي يبه كله





مشغوب

مـشـغـوب مــنــك ومشـغـلـنـي = ياالسولعـي يـا أريــش العـيـن
مـــا حـــد انـــا غـيــرك فـتـنـي = فـي الخـود يـا سيـد المزايـيـن
نــظـــرات عـيــنــك صـوبــنــي =بألحاظهن واصطبت في الحين
او آزمـت مـن مـا بــي أغـنـي = بالحـب لــك يــا لغـالـي سنـيـن
حـزت الحسـن مــن كــل فـنـي = يا كامل في الوصـف و الزيـن
غـض غضيـض صغيـر سـنـي = تكبـر و كــل مــا تكـبـر اتـزيـن
ماخـلـق فـــي الـغـيـد الـدمـنـي = مثلـك ولا قـد خلـق فـي العيـن
لــــك يــــادل كـالـلـيـل جــنـــي = طايـح علـى الأمـتـان رظفـيـن
و الـجــيــد بـاطــيــاب يــبــنــي = والـصـدر بــه رمـــان و تـيــن
والـعــود مـــن شـافــه يـظـنـي = امـن الخصـر مقسـوم نصـيـن





عذلت نفسي

عذلـت نفسـي عـن هواكـم = واقنعتـهـا بلـلـي لـهـم قـــد
ضافين ما صـاروا شراكـم = يـروون ولهـم دونـيـه حــد
وابعدت نفسي عن حماكـم = ومـن النكـاده ريـت لـي بـد
واخلصت نفسي من عناكم = واليـوم قلبـي عنـكـم ابـعـد
فـي ربـوة مـا هــو حـذاكـم = فـي شامـخ اخضـر ويسنـد
والشهد اضرب عقب ماكم = لـي مدحـن مكـدر ومـسـود
مرفوض عـذر مـن جداكـم = ومحال نفسي صوبك اتـرد
هــذا جـوابـي الـيـوم يـاكـم = والباب عنكم غلـج وانسـد
دخــن لــي كـــدر سـمـاكـم = ماهـوب غـيـم خـيـره ايـبـد
لي عاضني هب مستواكـم = عالـي مقامـه عنـدي وقــد
واخـلاق واطباعـه عداكـم = جيـون مــن الـدانـات يفـنـد







حبك ملك قلبي
انا ما سعـدت بطيب وقتي ولا حسيت 00 إلا بوجـودك شفـت وقتـي ولـذاتـــــه
لك موقـع في داخـل القلب به حطيت 00 حبـك ملـك قلبـي تحكـم بنبضــــــــاته
لا شفت انا شرواك ولا اتصور ولا ريت0 0مثل الحيا تضفي على الآرض بهجاته
ربي عطـاك اخـلاق اتميزك واحظيت 00 حتى جميـل الخود تشهد لك اصواتــــه
شروى القمـر فـوق الكواكب تعليت00 كل شهـد في حكمة الخالق وقدراتـــه
انت الجميـل المميـز لي بـه تعنيت00 اللي أسرنـي بطيب اخـلاق عاداتـــــــــه
يا هايف الخصريـن يا منـور بالبيت 00 يا جيـد ريـم نافـل عـن مثيلاتــــــــــه
وعيـون حـور تحيي بهـا وتميـت 00 نظرتـك تشفي صويـب منك ويعاتـــــــــه
إرحم رحمـك الله لو ريتني تشافيت 00 قربـك يزيـح العـوق مني وليعاتــــــه
ارجوك واترجـاك تضفي علي بصيت 00 ويمنـاي له في لمس يمناك راحاتـه
لولا خيالـك في منامـي فلا غضيت 00 يا منـوة المقصود في غاية اوقاتـــــه
انته طبيب النفس وانـا لـك تعنيت 00 تعلم بمـا في القلب وتعرف خصاتــــــــه







نسنس شرتا الفجر

نسنس شرتــا الفجـر ويا ذعـذاعه عبيـر
فـل وعنبـــر عبـر عطر كـل الحضيـر
يا نــور و يـا قمـر يـا شمس مستنيـر
ودك خـذنـي جبــر قلبـي عنـدك أسير
لــك يـا دل منحــدر يثـل ضافي مثيـر
مالـي دونــك صبـر مـن عنده بستجير




ياطير

ياطير وضبتك بتدريب
ابغي اصاوع بك هدادي
لي طارن الربد المهاريب
لي ذايرات من العوادي
القف لهن عساك ماتخيب
واقصد لقايدهن عنادي
خمة براسه خمت الذيب
وعليك ماظنيه بادي
خل الهبوب تروح وتييب
ريش شعيع عقب المصادي
واللي سبق طيره بلا طيب
يتم في حزمه ينادي
عند اخويانا والاصاحيب
كلن بخبره بايسادي
لي ماضوى ودو له الجيب
بزهاب والطبخة عنادي




ولكم تحياتي