وش اسوي فيها ؟

السلام عليكم ورحمة الله وبركاتة
مساكم الله بالخير ،
شخباركم أن شاء الله بخير

أنا عزمتني سديم على منتداكم صديقه شدون حبيت اني ادخل ها المنتدى الي شاغل عقولهم وملهيهم عن دراستهم
حتى بنتي غيابها كثر وجلوسها معي قل واذا قلت لها تعالي يابنت تقهوي معي تعالي نروح السوق نتمشى نغير جو ياماما خليها بكرا
ياماما شوي وجايه شوي بس تبرد القهوه وماجت ،، وصار كل سوالفها ياماما فيه واحد بالمنتدى كذا وحده فيها كذا فيه واحد
نزل موضوع كذا وسوالفها عن االنت والنت صار كذا وسمعت كذا واذا عزمت صحباتها على البيت كل وحده معاها لاب توبها
مايقصرون واظنهم معكم بالمنتدى سديم والعنود ومدري ممن بعد ناسيه ولله
مدري وش به النت لي شاغلهم لهدرجه ؟؟
وخلصنا من النت طلع لنا ها البلاك بيري .. يجلسون معي ويطقطقون فيه حتى وهم جنب بعض ؟ مدري يمكن يحشون فيني تهقون ؟ ههههه
انا صراحه بسئلكم سؤالين يااصحاب شادن وشادن بعد ..

وش الشي في النت الي شاغلهم عن امهاتكم ؟ ( مو كلكم )
انا ادخل النت وماشوف شي يعجبني فيه
يعني احرمكم من شدون واخذ منها البلاك والاب توب عشان تجلس معي ولا وش اسوي فيها ؟
طبعا كلكم قولو لي وش تستفيدون من النت ؟3
أنا أسمع اضرار للنت ؟ انتو حطيتو لها حدود ؟ وش ها الحدود طيب فهموني



اختكم - ام شادن
الله يستر عليكم وعلى المسلمين ويسدد خطاكم .. وتتنتبهون للشغالكم
ولله يهدي الجميع يارب