نقاش ..لا تسأل عن التفاصيل

تعرفوا مواضيع الي تطلع بين زحمة الشغل
اليوم كذا موضوعي
عشان نتناولـه في استراحة محارب


كالعادة جالسه اشتغل و تلفوني على الطاوله
مشغله فيه بودكاست

فمــر علي بودكاست
مقابله بين شخصين

من ضمن الحـوار
كان يتكلم عن كلام الناس و اللمز و الهمس

" فلان سافر وما قال لنا
ليش كنت ناوي توصله على المطار

فلان بنى بيت و جاب لنا سيره
كنت ناوي تأخذ له قرض بإسمـك
او تشتري له مواد البناء

فلان طلع هو اقربائه رحله وما قال لنا
و كإنا نحن لسنا موجودين
كنت ناوي تشتري له لحم للمشاوي
او تحجز له فندق على حسابك

فلان خطب وما قال لنا
كنت ناوي تساعده بتكاليف الخطبه او العرس


و ختم كلامه

افرح للناس وازعل لزعلهم
و لا تسأل في التفاصيل

لا تتفلسف لا تتدخل
كل واحد عنده ظروفه
و هم يكفيه

لا تستكثر الفرحة على الناس
ادعي بالفرحة لغيرك




.
.

بالنسبـة لي
أنا ما اوافقه الرأي بشكل تام
و فيه نقاط يحتاج لها تعقيب

و فيه ناس توافقه الرأي تحت حجة
اقضوا حوائجكم بالكتمان



شرأيكم انتم يا تليد
و من وجهة نظركم هل كلامه صحيح
و لازم نأخذه بمحمل الجد

أحمد الفارس ,السعيدي ,ندى ,السفيره معجبون بهذا