تغانم الفرصه عسى عمرك خواتمها تزين

ياكل مُتكبِّر تعال أعطيك مني كلمتين
ترى التكبر من صفات إبليس وإلا أدهى وأمر

لاتكتبر وكما تدين اليوم بكره تستدين
الكِبِر كم طيّح قصور وضاع بأسبابه أُسر

حاول تواضع والتواضع من صفات المسلمين
وإللي تواضع يرفعه ربه ويجزاه الأجـر

مخافة الله واجبه لكن وين الخوف وين؟
يا الله دخيلك من شرور الوقت وشرور البشر

ياالأدمي خلك على منهج نبي المرسلين
واحرص على دينك وفكر في ألعواقب واعتبر

العمر يفنى والبقى لله رب العالمين
مهما يطول الوقت يابن آدم ترىَ الدنيا ممر

تغانم الفرصه عسى عمرك خواتمها تزين
دنياك ماتسوى ولو دامت توليها ألقبـُر

أنصح وانا ماني بكامل مير انا عندي يقين
إن الذي يزرع بذور الخير إبيجني ثمر

أخطي واتوب ولا إدّعيت إني بسيد العارفين
لكن ماأتكبر على العالم ولا احب الكِبِر

انا بشر واقول يالله يامعين الصابرين
أنت القوي وانا الضعيف إللي حياته في خطر

يارب توبه قبل نصبح في عداد الميتين
ويارب تغفر لي وتدمح زلتي يوم الحَشْر

ابوخالد

السعيدي ,السفيره ,هدوء المساء ,انسان نادر ,ايلاف معجبون بهذا