سوالف وانواع الشباب في الباااص

سوالف الشباب فالباص ...<< فاضحتكم فاضحتكم !!


سوالف وانواع الشباب في الباااص
:
:
:
:
:
:
:
:
عشاق الكورة





نفر (1) :: يا خووك احلى شي عاد لما الهلال تصدر الدوري
نفر (2) :: ايه والله .. شفت قول الشلهوب عاد شق المرمى شق فديته هالرجال
نفر (3) :: روحووو هناك .. بيجيكم الشبح المدريدي بينثـر هالبزران!!
نفر (1) :: روح روح .. مدريدك ذيلا الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب

راعين المغازل

نفر (1) :: اااخ يا الحبيب شفتهااا .. هذي قاعده لم السواق
نفر (2) :: تقصد هذي ام العباية فيها ستين فراشه ؟!
نفر (1) :: لااا طاح حظك .. اللي عبايتها الخفاش ..
نفر (2) :: ايه هذي كشخه ياخووي بس يقولون ما تعطي وجـه !!
نفر (1) :: ما عليك منها .. بتطيح بتطيح ..عاد الاخ جاييب تاريخ اهلها واجدادها على اساس ان انا اعرفها ترى !








"

الدفـــره ( ما يشيل راسه من الكتاب دقيقه )



نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: اوكي ..
ويشرحون حق بعض ويدور الباص ويلف وينزلون الطلبه كلهم وهم للحين في الباص .. لين يجيهم السواق ويقولهم يلاااا فكوني بروح بيتنا



شباب على غير العاده " هاذيلا فحالهم"



نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك


انتهت المحادثه .. واحد يطالع من الدريشه والثاني سرحان والا نايم



عشاق الورقه و الاونو




نفر (1) :: العـــــب خلني اكسر راسك .. تقط لي ثنتين يالغشاش!!
نفر (2) :: عشان تجييك الاكـلـه السنعه ( يلعبون كوت )
نفر (1) :: يا عمـــي .. بنشوف ترى الجوكـر جايك جايك
نفر (3) :: العب العب حبيبي يقولك جوكر ما عليك منه زين


والصراخ ينسمع للسواق .. ولا كنه احد لمهم .. ويجوز احيانا ان الكل ينزل الا هم يضلون بالباص طبعا من عقب الشباب تبع الدراسـه والكتب


فئة الموضـه



نفر (1) :: شفت وائل كفوري شمسوي والله عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على جهه والله يطلع كووول


ذيلا مساكين بعد .. اخرة هالقصات بيسوون تسريحة المطربة صباح !





يلا بنااااااااااااااات تمصخرووا عالشباب وطلعوا حرتكم فيهم