يا شوق

بلغت المنتهى يا شوق واتحكمت باحوالي = وجورك في ربوع الروح خلا حالتي حاله
بلغت المنتهى واشقيتني واشغلت لي بالي = ومزقت الحشا يا شوق واستعذبت غرباله
بلغ حد العنا حده وحده قطع اوصالي = وتاه الفكر والتفكير تاهت مركب احماله
امانه لا تعذبني ولا تطغى على حالي = انا مرهف رقيق الحس عمري نال ما ناله
تغشتني معاناتي واوجاعي غدت مالي = اعانيها واترنم على جرحي ومواله
ومن فرط الاسى عانيت في مضمار آمالي = معاناة الألى يا ليت همي يبلغ اماله
عجايب يا زمن مثلي عرف ما صاب امثالي = وغيري ما درى عني ويجهل مثل امثاله
اداري بالربا جرحي وعيني شوفها عالي = وما غضيت طرفي والعلا ما تسحر العاله
عشقت المجد من صغري وغيري ما ابتغى فالي = عزيز النفس متربي على الإقدام واهواله
واخذت الحزن من حضن الليالي والرضا خالي = ووافيت الالم يا شوق في حله وترحاله
بلغت المنتهى ارجوك خل الخلق للوالي = يساويها ويجبرها وانا راضي بافضاله