الصوت صوتي واعتذرعن وضوحه

الصوت صوتي واعتذرعن وضوحه

والروح روحـــي ضـيـقـتها عــربها

البارحــه والقلب زادت جـــروحـــه

والنفس ياجــرحـــي تزايد تعـبــها

الله رمــاني بالـيـدين الشــحــوحه

عــزاه للــي وجــهـتـه ماحسبـها

بالمــركــز الثالث قلـيــل المـلوحه

مابيــن لحـجـيـهـا وسـافل شـنـبها

حرمـــان من جـيّـه وحرمــان روحـه

و صـفّــات ياعــالم كـثـيـرن طلبـها

والناس من حولي صداع ولحــوحـه

ابي الســلامه مـيـر مالله كـتـبـهـا

المــعـذره ياخـــافقـي والسمـوحه

ادري تعبت وسوء حـظــي سببها

اسـرار مـكــــه لازم انــك تـبــوحــه

ولا ترى نفـسي تـمــوت بغـضـبـها

صـكــة شوامـخـها لصـدري ذبـوحه

سبحــان ربـي كيف ربــي نـصـبـها

البـعــد دمــعــاتـه بـعـيـني فضوحه

مشـتـاق للـديـره لـبـى عــربـهــا

يالله عـبـدك لا تـحـطـم طــمــوحه

عـطـه السـعـاده دام وقـتـه سلبها

منقول
...................

للشاعر ماجد الشمري